Архив - Янв 2017

«Хĕрарăм ĕçĕ мар ку. — Мĕнле ĕç? — Хăть те хăшĕ те», — шÿтлеççĕ тĕнче тетĕлĕнче. Çук вара. Хĕрарăм тума пĕлмен ĕç çук-тăр паян. Этемлĕхĕн черчен пайĕ хăть те хăш сферăра та хăйне хăтлă туять. Çав шутра — журналистикăра та. Пичет кунĕ çывхарнă май республикăри МИХ ĕçченĕсене чăрмантартăмăр. «Журналистика юлашки вăхăтра хĕрарăм профессине çаврăнса каймарĕ-ши?» — ыйтрăмăр вĕсенчен. Çула май ĕçри пăтăрмахлă самантсем пирки аса илме те сĕнтĕмĕр.

Журналист куллен тенĕ пек çĕнĕ çынпа паллашать. Нумайăшĕ тус-юлташа çаврăнать. Хăш-пĕринпе, шел те, çыхăну татăлать.

«Чăваш хĕрарăмĕ» хаçат тухма пуçланăранпа 20 çул çитсе пынă май хамăр çырнине тепĕр хут аса илтерес килет. Эпир вулакансене паллаштарнă çынсен шухăш-ĕмĕчĕ пурнăçланнă-и? Шăпи мĕнле çавăрăнса килнĕ-ши вĕсен? 20 çул хушшинче мĕн пулса иртнĕ вĕсен пурнăçĕнче? Рубрикăна та çаплах ят парас терĕмĕр: «20 çул иртсен...»

Саккунлăх сыхлавçи — прокуратура — йĕркеленнĕренпе çак эрнере 295 çул çитрĕ. Çавна май эпир ЧР Прокуратурин çул çитменнисемпе тата çамрăксемпе ĕçлекен пайăн пуçлăхĕн тивĕçĕсене пурнăçлакан Алина Савельевăпа калаçрăмăр. Хĕрарăма ытларах ача-пăча, вĕсене тĕрĕс-тĕкел ÿстерес, вĕрентсе çын тăвас ыйтусем канăç памаççĕ вĕт.

Прокуратура хÿтĕлет

— Алина Борисовна, ачасен прависене пăснă тĕслĕхсен тĕлĕшпе Чăваш Енре лару-тăру еплерех?

«Чăваш хĕрарăмĕ» хаçат республикăри историпе культура, архитектура, çутçанталăк палăкĕсемпе паллаштарма пуçлать. Çавна май вырăнти таврапĕлÿçĕсем пирĕнпе çыхăну йĕркелессе шанас килет. Эсир пулăшнипе вăл е ку вырăн пирки туллинрех çырса кăтартма май килĕ. Хăвăр тăрăхри паллă вырăнсем çинчен хыпарсем кĕтетпĕр.

Хисеплĕ вулакансем, хаçатра çĕнĕ рубрика уçатпăр. Шĕкĕр хуламăрăн историйĕпе, паллă вырăнĕсемпе тĕплĕнрех паллаштарăпăр. Урамсен ячĕсене, чăваш историйĕнче йĕр хăварнă çынсен ячĕпе хисепленекеннисене — уйрăмах, тишкерĕпĕр. Тĕрлĕ викторина та йĕркелĕпĕр.

Ĕнер республика Пуçлăхĕ Михаил Игнатьев Правительство çуртĕнче вăрман промышленноçне аталантарас ыйтупа канашлу ирттерчĕ. Унта отрасле кĕрекен предприятисен, вăрман учрежденийĕсен ертÿçисем хутшăнчĕç.

Граждан обществин институчĕсен тата бизнес аталанăвĕ, коммерципе çыхăнман организацисене социаллă тĕллевсене татса парассипе çыхăннă ĕçе явăçтарасси, норма-право акчĕсен экспертизи — шăпах çак ыйтусем тĕпре пулчĕç Чăваш Ен Пуçлăхĕ Михаил Игнатьев ЧР Общество палатин членĕсемпе ирттернĕ тĕлпулура.

Сисмерĕмĕр те — тата тепĕр çул иртсе кайрĕ. Мĕнпе асра юлчĕ-ха вăл ял хуçалăх отраслĕнче ĕçлекенсемшĕн?

ЧР Ял хуçалăх министерстви пĕлтернĕ тăрăх çĕр ĕçченĕсем иртнĕ çул çанă тавăрса ĕçлени харама кайман: тĕрлĕ харпăрлăхлă хуçалăхра туса илнĕ продукци калăпăшĕ 47 млрд тенкĕпе танлашнă /пĕлтĕрхинчен 102,8%/. Аш-какай — 117 пин тонна /101,6%/. Сĕт сăвасси те ÿснĕ — 425 пин тонна /100,2%/. Çăмарта илесси вара кăштах чакнă — 232,7 млн штук /99,6%/.

«Ялта çуралнă. Унтах ÿснĕ. Ялтах эпĕ юлнă пурăнма. Çынпа пĕрле пурне те тÿснĕ, халь тин кирлех-ши кулянма?» — çапла сăвăлласа пуçларĕ калаçăва Патăрьел районĕнчи Аслă Арапуçра пурăнакан Вера Матвеева. Вера Михайловна çичĕ ачаллă çемьере çитĕннĕ. Унăн ашшĕпе амăшĕ ялта хисеплĕ çынсем пулнă. Ашшĕ Тăван çĕршывăн Аслă вăрçинче çапăçса сусăра тухнă. Пăрчăкан пек вăр-вар амăшĕ колхозра вăй хунă. Халăхпа пĕрле пай уйăрнă, çĕрулми, сухан, кăшман çумланă. Вера та ачаранах ĕç çумне çыпăçнă. Ашшĕ те инвалид пулнине пăхмасăрах ачисене сумка çĕлесе, кăçатă тĕплесе панă. Малалла вулас...