Архив - Мая 2016

ВТБ банк Чăваш Енри позицийĕсене çирĕплетес тĕллев тытни куçкĕрет. Çакăн пирки банкăн регион сечĕн департаменчĕн ертÿçи — аслă вице-президенчĕ Михаил Волков Шупашкара килнĕ май республика Пуçлăхĕпе Михаил Игнатьевпа ирттернĕ тĕлпулура та калаçу хускалчĕ.

Иртнĕ çулсенче Шупашкар районĕнче 2 пин гектар ытла, çав шутра маларах усă курман 400 гектар çĕре Самар облаçĕнчи «Агарт» тулли мар яваплă общество пусă çаврăнăшне явăçтарнă. Кăçал вăл 700 гектар сухаласа акасшăн. ООО тĕллевĕсемпе Вячеслав Леонидович КАРПОВ управляющи паллаштарать.

Вăрнар районĕнчи «Санар» хуçалăхра çураки вĕçленнĕпе пĕрех, апла пулин те ĕç шавĕ лăпланман-ха.

Халĕ çĕрулми лартатпăр, — юлашки кунсенчи ĕç-хĕлпе тата малашлăхри тĕллевсемпе паллаштарнă май пĕлтерчĕ хуçалăх ертÿçи Роберт Петров. — Кăçал 85 гектартан кая мар лартасшăн. Эпир «Гала», «Белороза», «Ред Соня», «Невский» сортсене килĕштеретпĕр. Кăштах «Удача» та лартасшăн. Çанталăк сивĕ тăнăран хуратул акаймарăмăр-ха. Вăл 17 гектар йышăнмалла. Çĕр пиçсе çитеймен вырăнсем те пур. Унта сар пăрăç /горчица/ акатпăр. 76 гектар пулĕ вăл.

Çак кунсенче Шупашкар районĕнчи Сарапакасси ял тăрăхĕнчи Сергей Дмитриевич Чернуха фермер вир акса уй-хир ĕçĕсене вĕçлерĕ.

— Вăл 159 гектар, — терĕ. — Тырă сутмастпăр, пĕтĕмпех 250-300 пуç выльăха, çав шутра сăвакан 104 ĕнене çитерме яратпăр.

Халăха кирлĕ саккунсем кăларакан хастар та пуçаруллă депутат, ăста ертÿçĕ, хуçалăх ыйтăвĕсене лайăх ăнланакан-пĕлекен тата пултаруллă ачасемпе çамрăксене спонсор пулăшăвĕ кÿрекен çын, Чăваш Енĕн тата тăван çĕрĕн чăн-чăн патриочĕ.

«Сывлăхран хакли çук» тетпĕр-ха, çапах çапла каланă май, паллах, укçа пирки шухăшламастпăр. Çак каларăш тĕшши çын пурнăçĕнче сывлăх пĕлтерĕшĕ питех те пысăккипе çыхăннă. Анчах сывлăхăн та хакĕ пур — вăл йÿнĕ мар. Çакăн пирки ЧР Обязательнăй медицина страхованийĕн территори фончĕн директорĕпе Вячеслав АЛЕКСАНДРОВПА калаçрăмăр, вăл хăй ертсе пыракан тытăмăн иртнĕ çулхи ĕç-хĕлĕпе паллаштарчĕ.

Укçа шута юратать

...Умри çул вăрăм та хăрушă. Шанăçа çухатнă çынсем çак çул вĕçне ырă-сывă тухассине ĕненмесĕр ÿпкелешме пуçланă. Сасартăк Данко кăкăрне туртса çурнă, чĕрине алла тытса çÿле-çÿле çĕкленĕ. Вăл хĕвелтен те çутăрах ялкăшнă. Вăрман шăпланнă, тĕттĕм çĕр чатăрĕ çĕрĕк шурлăхра путса пăчланнă.

Республикăн чи пысăк вĕренÿ заведенийĕ — И.Н.Ульянов ячĕллĕ Чăваш патшалăх университечĕ — аталану тĕлĕшĕпе çултан-çул çĕнĕ ÿсĕмсем тăвать. 16 факультета, виçĕ филиала пĕрлештерекен аслă шкул 15 пин студента, 1 пин ытла преподавательпе сотруднике пĕр тĕвĕре тытать.

Суд умне харăсах вуннăн тăрĕç. Следстви комитечĕн республикăри управленийĕн уйрăмах пĕлтерĕшлĕ ĕçсене тĕпчекен 2-мĕш пайĕ тĕпчесе пĕтернĕ уголовлă ĕçпе вĕсене саккуна пăсса астармăш вăйăсем йĕркеленĕшĕн, каварлашнă ушкăнпа уйрăмах пысăк виçепе услам илнĕшĕн айăплаççĕ.