Архив - 5 Мар, 2016

Указ Главы Чувашской Республики от 26 февраля 2016 года № 13 «О члене Центральной избирательной комиссии Чувашской Республики».

Указ Главы Чувашской Республики от 2 марта 2016 года № 14 «О внесении изменений в Указ Главы Чувашской Республики от 30 апреля 2014 г. № 58».

Çак кунсенче çывăх çыннисем, ĕçтешĕсем, пĕлĕшĕсем хĕрарăма ăшă сăмахпа, асăнмалăх парнепе хавхалантараççĕ. Тен, çавăнпах нихçанхинчен илĕртÿллĕрех вăл. «Эх, мĕнле хĕрарăм», - ахальтен мар чарăнса тăрсах куç илми сăнаççĕ ăна арçынсем. Йăл кулăпа çиçекенскер, чăнах, тавралăха илем кÿрет.

Пуш уйăхĕн пуçламăшĕнче Шупашкарта «Эх, мĕнле хĕрарăм» конкурс йĕркелесси йăлана кĕчĕ. Кăçал 10-мĕш хут иртрĕ вăл. Унта ача сачĕн воспитателĕсем, педагогсем, экономист, «Чăвашэнерго» пай пуçлăхĕ хутшăнчĕç.

Çулталăкри чи илемлĕ уяв умĕн ĕçлĕ калаçу пуçарчĕç Чăваш хĕрарăмĕсен союзĕн хастарĕсем. Калаçма сăлтавĕ те пур - общество пĕрлĕхĕн ертÿçи Ольга Зайцева нарăс уйăхĕнче Мускавра иртнĕ Раççей Хĕрарăмĕсен союзĕн конференцине хутшăнни çинчен каласа кăтартрĕ.

Хĕрарăм хăлхапа юратнине кашни арçыннах илтнĕ-пĕлет. Пĕлме пĕлет те анчах...

Тепĕр виçĕ кунран хĕрарăмсен - ăш пиллĕ аннесемпе ырă-ырă кукамай-асаннен, чипер аппасемпе йăмăксен - мимоза шăршиллĕ, сар хĕвел шевлиллĕ ăшă та çутă, ачаш та черчен уявĕ.

Пурнăçра чи çутти тата чи лайăххи - хĕрарăм сăнарĕнче. Мĕн авалтан этемлĕхĕн илĕртÿллĕ пайĕ сăпайлăхпа тимлĕхе, ĕçченлĕхпе тирпейлĕхе, ырăпа ачашлăха сăнарланă. Çак пахалăхсем вĕсене кил-çурта хăтлăх кÿме, çемье вучахĕн ăшшине упрама, ачасене воспитани пама, ĕç-хĕлĕн мĕнпур сферинче çитĕнÿ тума пулăшаççĕ.

Виçĕмкун тата ĕнер Шупашкарти «Экспо-Контур» суту-илÿпе курав комплексĕнче çĕрулми куравĕ иртрĕ. Унта Раççейри 22 регионтан тата Беларуç Республикинчен килсе çитнĕ предприятисем хутшăнчĕç.

Раççей Федерацийĕн Правительствин Председателĕн заместителĕ Ольга Голодец ЧР Министрсен Кабинечĕн Председателĕн заместителĕпе Алла Салаевăпа, Шупашкар хула администрацийĕн пуçлăхĕпе Алексей Ладыковпа Шупашкарти "Ачалăх утравĕ" 201-мĕш ача садĕнче пулса курчĕ.

Садик заведующийĕ Ирина Никитина ĕçлĕ ушкăна шкулчченхи вĕренÿ учрежденийĕпе çывăхрах паллаштарчĕ. Кунта 436 ача çÿрет. Вĕсене йĕркеллĕ ÿсме тата аталанма, тавракурăмне пысăклатма кирлĕ пĕтĕм услови пур.

Раççей Правительствин пуçлăхĕ, Пĕтĕм Раççейри «Единая Россия» политика партийĕн председателĕ Дмитрий Медведев Правительство çуртĕнче Чăваш Ен Пуçлăхĕпе Михаил Игнатьевпа ĕçлĕ тĕлпулу ирттерчĕ.

- Пирĕн пысăк пĕлтерĕшлĕ виçĕ программа пур: юхăннă çурт-йĕр, шкулчченхи вĕренÿ учрежденийĕсем, садиксем... Ача сачĕсем тумалли программа пĕлтĕр вĕçленчĕ. Халĕ çĕнĕ тата пысăк та кăткăс программăна пуçăнатпăр - кивĕ шкулсене реконструкцилесси, çĕнĕ шкулсем тăвасси. Ку енĕпе ĕçсем мĕнлерех? - ыйтрĕ Дмитрий Анатольевич.

Муркаш районĕнчи Итакачкассинчи Клавдия Потянова ĕмĕр тăршшĕпех шкулта ĕçленĕ. «Хамăр вĕрентекене Раиса Федоровнăна хисепленĕрен пĕчĕк чухнех педагог пулма ĕмĕтленнĕ. Халĕ çак çула çитсе учительсемпе килĕштерсе ĕçлени аса килет», - калаçăва пуçлать хĕрарăм. Виçĕ хĕрĕ ашшĕсĕр çитĕннĕ. Амăшĕ тĕпренчĕкĕсене пылак çимĕçпе иртĕхтереймен. Те çавăнпа канфет-пĕремĕк çиекен Раиса Федоровна вырăнĕнче пулас килнĕ унăн? Вĕрентекен вĕсене те пылак çимĕçпе сăйланă.