Чăваш Енри кашни ял-поселока çутçанталăк газĕ кĕртсен пурнăç çăмăлланнине çынсем кăмăллăн пĕлтернине, пÿрте хутса ăшăтма вутă-шанкă, çĕркăмрăкĕ турттарнă ветерансем, амăшĕсем пушшех савăннине лайăх астăватăп. Мĕнпур ял-поселока çитиччен асфальт-бетон çул хывса автотрассăпа çыхăнтарни те пурнăçа çăмăллатрĕ.
Республикăра грипп тата ОРВИ чирĕсем анлă сарăлнăран хăшпĕр шкул карантина хупăнни çинчен пĕлтернĕччĕ. Хальхи вăхăтра тĕп хулари пĕтĕмĕшле пĕлÿ паракан 17 организаци вĕренÿ занятийĕсене вăхăтлăх чарнă, чир-чĕр тамаличчен 5 пин ытла ача килте ларĕ.
Карантин чылай чухне сахалтан эрнене тăсăлать, çавна май шкул ачисем вĕренÿ программинчен юласран пăшăрханни куçкĕрет. Шупашкар хула администрацийĕ лару-тăрăва лайăхлатас тĕллевпе шкулсене май пур таран интернет-çыхăнупа усă курма сĕнет.
Февралĕн 13-мĕшĕнче Чăваш Ен Пуçлăхĕ Михаил Игнатьев РФ Правительствин Председателĕ Дмитрий Медведев ирттернĕ селектор канашлăвне хутшăннă. Унта федераци субъекчĕсем 2015 çулта патшалăхăн пĕрлехи экзаменне ирттерме мĕнле хатĕрленнине сÿтсе явнă.
Конференцие Раççейĕн мĕнпур субъектне явăçтарнă, унта Ольга Голодец вице-премьер, вĕренÿ министрĕ Дмитрий Ливанов, Рособорнадзор ертÿçи Сергей Кравцов хутшăннă.
Коррупци хăрушлăхĕ пысăкки каламасăрах паллă, çавна май Шупашкар районĕн прокуратури унпа кĕрешессине хăйĕн тĕп тивĕçĕсен шутĕнче курать. Нумаях пулмасть 2014 çулта районта патшалăх тата муниципалитет служби, коррупципе кĕрешесси çинчен калакан саккунсене мĕнле пурнăçланине пĕтĕмлетрĕмĕр.
Кăçал Раççейре - Литература çулталăкĕ, Чăваш Енре - К.В.Иванов çулталăкĕ. Культура çулталăкĕ хыççăн мĕншĕн шăпах çакна суйласа илнĕ? Мĕн хистенĕ çĕршыв ертÿçине шăпах çапла тума?
Нумайăшĕ астăвать пулĕ-ха: Совет Союзĕ чи нумай вулакан çĕршыв шутланнă. Чăннипех çапла пулнă: кĕнеке лавккисен çÿлĕкĕсем паллă классиксен паха произведенийĕсемпе, философсен, ăслайсен кăларăмĕсемпе пуянччĕ. Тĕрĕссипе, лайăх кĕнеке нихăçан та вулакана кĕтсе выртман, типографи сăррин шăрши сĕвĕрĕлсе çитичченех халăхра сарăлнă.
«Хыпарта» педагогика ăслăлăхĕсен кандидачĕ, Тăвай районĕнчи Тенеяльте /Кĕтне хĕрринче/ çуралнă Роза Петрова-Ахтимирова çав юханшыв çинчен çырнă статйине кăсăкланса вуларăм. Тавах ăна хăйĕн шухăшне пĕлтернĕшĕн. Хам Кĕтне хĕрринчи ялта пурăннăран темăна аталантарас килет.
Красноармейски районĕнчи Васнар ялĕнче пурăнакан Валентина Егоровна Новоселова нумаях пулмасть 100 çул тултарнине паллă турĕ.
100 çулти кинемей патне хăнана пĕрле кайма районти библиотека тытăмĕнче ĕçлесе тивĕçлĕ канăва тухнă Любовь Яковлевна Волковăна та чĕнтĕм. Иккĕн кăмăллăрах тенипе мар. Вăл хисеплĕ Валентина Егоровнăн яланхи кĕтнĕ хăни – ун патĕнче час-часах пулкалать: ватă çынна мĕн те пулин туса пулăшать, ăшă сăмахпа йăпатса хăварать, кинеми вуланă кĕнекене е хаçат-журналта çырнине сÿтсе яваççĕ...
Вăрнар районĕнчи Кивĕ Мĕлĕш ялĕнче çуралса ÿснĕ В.Н.Ларионов сунарçă ертсе кайнă ушкăн Йĕпреç вăрманĕнче 2 кашкăр тытнă.
СУРСКИЙ РУБЕЖСКИЙ
Чăвашла верси
Русская версия
