Инçет вĕрентÿ - карантин вăхăтĕнче

Республикăра грипп тата ОРВИ чирĕсем анлă сарăлнăран хăшпĕр шкул карантина хупăнни çинчен пĕлтернĕччĕ. Хальхи вăхăтра тĕп хулари пĕтĕмĕшле пĕлÿ паракан 17 организаци вĕренÿ занятийĕсене вăхăтлăх чарнă, чир-чĕр тамаличчен 5 пин ытла ача килте ларĕ.

Карантин чылай чухне сахалтан эрнене тăсăлать, çавна май шкул ачисем вĕренÿ программинчен юласран пăшăрханни куçкĕрет. Шупашкар хула администрацийĕ лару-тăрăва лайăхлатас тĕллевпе шкулсене май пур таран интернет-çыхăнупа усă курма сĕнет.

- Хулари пур шкула та "Сетевой город" программăна явăçтарнă. Çавăнпа интернет ресурсĕпе усă курса ачасемпе инçет çыхăну тытма май пур. Чылай шкул çакнашкал мелпе ĕçлет те, - килти условисенче ачасем вĕренĕве мĕнле тăсни çинчен ăнлантарать Шупашкар хула администрацийĕн вĕрентÿ пайĕн ертÿçин тивĕçĕсене пурнăçлакан Дмитрий Захаров.

Инçет вĕрентĕвĕн мелĕсене карантин вăхăтĕнче мĕнле хута янипе республикăри паллă шкулсенчен пĕринче - 5-мĕш гимназире - паллашрăмăр. Коридорта - шăп. Хутран-ситрен пĕр-пĕр учитель е техслужащи утса иртнине кăна асăрхатăн. Малалла вулас...