Йĕпреç тăрăхĕнчи Хыркасси ялĕнче çуралса ÿснĕ, чылайранпа республикăн тĕп хулинче пурăнакан И.Т.Петров тăван района килсен «Хыпар» хаçатăн вырăнти корпунктне кĕмесĕр каялла кайнине ас тумастăп эпĕ.
Енчен енне "сиккелесе" чупать пирĕн çăмăл машина. Чупать тени тĕрĕсех мар, асфальт çул çинчи путăк-лакăма лекесрен сыхланса хăвăртлăха ÿстерме шикленет асăрхануллă водитель. Çакнашкал çулпа эпир Вăрнар поселокĕнчен çак районти сумлă ял хуçалăх предприятине васкатпăр. "Мураты" хăйĕн ятне ăçтан шыраса тупнă-ши?
Етĕрнери спирт завочĕ пирки пĕр хушă сас-хура пулмарĕ. Район экономикинче паллă вырăн йышăннă предприяти хупăнни, çынсем ĕçсĕр ларни кама усă парать ĕнтĕ. Спирт производствин технологи процесĕ хăйне евĕр – оборудовани чылай вăхăт уссăр ларсан хăвăрт юрăхсăра тухать.
Пирĕн «Первомайск» хуçалăха Михаил Владимирович Петров ертсе пырать. Вăлах – «Малалла» хуçалăх ертÿçи те. Эпир, колхозра ĕçленĕскерсем, çĕр пайне хуçалăха панă. Вăл унпа усă курать. Хамăр çĕр çинче çитĕнтернĕ тыр-пула пире укçалла сутать. «Малалла» колхозникĕсем çав тыр-пула тÿлевсĕрех илеççĕ.
Эпĕ 36 çул механизаторта ĕçлерĕм: комбайнерта, трактористра вăй хутăм. Халĕ пенси укçипе тырă туянатпăр. Çын пуçне 50-шар кило пачĕç. Вăл чăх усрама та çитмест.
Алексей Смирнов. Патăрьел районĕ.
Кунта тĕрлĕ шайри тÿре-шара пÿлĕмĕсем тăрăх çÿресе хăйсен ыйтăвне тивĕçтермелли хурав тупайманнисен чĕринче шанăç, ĕненÿ çуратаççĕ. Çак сăмахсене ĕнер "Пĕрлĕхлĕ Раççей" политика партийĕн ертÿçин Д.А.Медведевăн Чăваш Республикинчи общество йышăнăвĕн пÿлĕмĕнче пулнă Лариса Порфирьева каларĕ. Лариса Николаевна тĕп хулари 46-мĕш вăтам шкулта вĕрентет, мăшăрĕпе 10 ача ÿстереççĕ. Хăйсен çуртĕнче пурăнаççĕ. Йышлă çемьене, паллах, хĕсĕк. Çурчĕ те çĕнех мар. Хĕлле - сивĕ. Ачисем кăçал та тăтăш чирленĕ. Юлашкинчен, çынсене республика Пуçлăхĕ хăй йышăннине пĕлнĕ хыççăн, кунта килнĕ.
ШĔМĕн транспорт çинчи Чăваш лини пайĕнче шыв биоресурсĕсен çаврăнăшне тĕрĕслесе тăракан органсен ертÿçисен анлă канашлăвĕ иртнĕ. Унта ака уйăхĕн 10-мĕшĕнчен тытăнса пулă тытма чарнин икĕ уйăхлăх тапхăрĕнче пурнăçламалли ĕçсене сÿтсе явнă.
Шупашкар районĕн сучĕ Сарапакасси ял тăрăхĕн администрацийĕн пуçлăхĕн тивĕçĕсене пурнăçланă Нина Григорьева тĕлĕшпе приговор палăртнă. Ăна службăри ултавшăн тата должноç полномочийĕсемпе киревсĕр тĕллевпе усă курнăшăн айăпланă.
СУРСКИЙ РУБЕЖСКИЙ
Чăвашла верси
Русская версия
