Архив - Апр 2014

Белгородра Олимп чемпионки Светлана Хоркина ячĕллĕ вĕренÿпе спорт комплексĕнче аслă вĕренÿ заведенийĕсен хушшинче армспорт енĕпе çĕр-шыв чемпионачĕ иртнĕ.

Çĕнĕ Шупашкарти ачасен искусство шкулĕнче Пĕтĕм Раççейри «Искусство. Вĕрентÿ. Çĕнĕлĕхсем» конференци иртнĕ. Унăн кăçалхи теми: «Çирĕм пĕрремĕш ĕмĕрти искусство тата педагогика».

Чăваш Ен патшалăх парăмне йĕркелес, ăна пĕчĕклетес тĕлĕшпе тухăçлă ĕçлет. Кăçалхи кăрлачăн 1-мĕшĕ тĕлне вăл 9 млрд та 827 млн тенкĕ, малтан палăртнинчен 935,4 млн тенкĕ /8,7%/ сахалрах, пулнă.

Шупашкар районĕ нумайăшне илĕртни вăрттăнлăх мар. Эпĕ çуралнă тăрăхра, сăмахран, пушă пĕр лаптăк та çук. Икĕ ачаллисене е виççĕмĕш пепкишĕн çĕрпе тивĕçтересси те чăн йывăрлăха çаврăнать кунта. Çывăх тăванăм ку ыйтупа ăçта кăна çитмерĕ ĕнтĕ, çапах та лав вырăнтан хускалман-ха.

"Хыпар" ыйтăвĕсене республикăн ветеринари патшалăх службин ертÿçи Сергей Скворцов хуравлать.

- Выльăха симĕс курăк çине кăлариччен вăхăт нумай юлмарĕ. Унччен мĕнле пăхмалла?

Ача чухне кам пулма кăна ĕмĕтленместпĕр-ши? Романтика шыравĕпе хĕмленсе шухăшпа таçта та пулса куратпăр. Май килсен çула тухатпăр.

Пушă вăхăтра кашниех мĕнпе те пулин йăпанать, юратнă иленÿпе кăмăлтан киленет. Страус е пони усракан халĕ республикăри чылай ялта тĕл пулать. Хăйсем фермер та, усламçă та мар, укçашăн çунмаççĕ. Мĕнпе те пулин вĕçĕмсĕр кăсăкланнăран пирĕн тăрăхра сайра тĕл пулакан чĕр чунсене ĕрчетесшĕн.

Хаçат ĕçĕпе çула тухсан пĕлĕшĕмпе тĕл пултăм. «Питĕ вăхăтлă çитрĕн. Паян ывăлăмăн çуралнă кун. Хăна-вĕрле пухмарăм. Кичем пуласран кÿрше çеç чĕнтĕм», - терĕ вăл.

Шупашкарти Калинин районĕн прокуратуринчен граждансем пулăшу ыйтрĕç - «Веста-30» ТСЖ Гагарин урамĕнчи 30/1 çурта пăхса тăнă чух саккуна пăсни пирки пĕлтерчĕç. Тĕрĕслев çынсен кăмăлсăрлăхĕ сăлтавсăр пулманнине çирĕплетрĕ.

Вăрмар поселокĕнчи «Ромашка» садикри Елена Николаева шкулта вĕреннĕ чухнех ачасемпе ĕçлеме ĕмĕтленнĕ, çавăнпах педагог профессине суйласа илнĕ. Лаша пуласси тихаран, çын пуласси ачаран паллă теççĕ.