«Уява чăвашсем йышлăн пухăнни вăй-хал паратчĕ»

Хальхинче «Чуна уçса калаçар» рубрика тĕпелне çывăх тусăма, уçă та черчен сасăллă чăваш юрăçине чĕнес терĕм. Паллашăр, Роза ДАНИЛОВА-КĔЛЧЕЧЕК. Вăл пурнăç çулĕпе «Атăл шывĕ катăлать, чун нихăçан та ватăлмасть» девиза тĕпе хурса пуç усмасăр, йывăрлăхсене парăнмасăр малалла утать. Роза Кĕлчечек — «Кĕмĕл сасă» фестиваль-конкурсăн тата Беларуçра иртнĕ вокалпа наци эстрада юррисен конкурсĕн лауреачĕ. Халăхра Роза «Çичĕ чÿрече» тата «Пулăпăр-ха пĕрле» юрăсемпе палăрнă. Тусăмпа тĕл пулмассерен темĕн çинчен те калаçатпăр. Паян вара вăл вулакан умĕнче чунне уçрĕ.