Усрава илсе асаплантарнă хĕрарăма суд тунă

26 Утă, 2017

Вӑрнар районӗнчи 43 çулти хӗрарӑма усрава илнӗ ачасене картманшăн суд тунӑ. Ăна асаплантарнӑшӑн тата çул ҫитменнисене пӑхас яваплӑха тивӗҫлипе пурнӑҫламаншӑн РФ Уголовлă кодексӗн 117-мӗш статйин 2-мӗш пайӗпе тата 156-мӗш статйипе айăпланă.

Чăваш Республикин прокуратуринче пĕлтернĕ тăрăх, хӗрарӑм усрава илнӗ виҫӗ пӗр тӑвана 2015 ҫулхи ҫӗртме уйӑхӗнчен пуҫласа 2016 ҫулхи ҫурла уйӑхӗччен тăтăш хӗненĕ. Пӗлтӗрхи ҫурла уйӑхӗн 6-мӗшӗнче ачасем текех тӳсеймен — иккĕшĕ килтен тухса тарнӑ. Вӗсене йӗрке хуралҫисем асӑрханӑ. Хӗрарӑма суд 3 ҫул та 7 уйӑхлӑха условлӑ майпа ирӗкрен хӑтармалла тунӑ. Сӑнав вӑхӑтне 3 ҫул тесе йышӑннӑ.

Рубрика: 
Кун хыççăн кун
Теги: 
пăтăрмахсем
Вăрнар районĕ
Автор: 
Вера ТИТОВА.

Комментари хушас