«Тĕллев - çынсене пулăшасси, ĕç вырăнне чĕрĕ-сывă таврăнасси»

Пушар хуралĕнче тимлекенсен професси уявĕ умĕн Раççей МЧС тытăмĕнче ĕçлекен хастарпа Алесандр Павловпа тĕл пултăмăр.

«Ÿкĕнмелле ан пултăр»

— Пултарулăх çемйинче çуралнă эпĕ. Атте /Чăваш халăх тата Раççей тава тивĕçлĕ артисчĕ Василий Павлов. — Авт./ театрта ĕçленĕ май тепĕр чухне эпĕ те спектакльсенче выляттăм. Çавăнпах ют хуласене те пĕрре мар тух¬са курнă. Паллах, темле пысăк сăнарсем калăпламан. Эпизодсенче е тухса кĕмелле, пĕр-пĕр сăмах каламалла, чупса иртмелле... Анчах манăн чăн-чăн артист пулас килетчĕ. Атте лайăх шухăшласа пăхма сĕнчĕ. Ĕçĕ мĕн тери йывăррине хăй туять-курать-çке, — пуçларĕ калаçăва Шупашкарти пысăк пушарсене сÿнтерекен ятарлă чаçĕн аслă пушарнăй-инструкторĕ.

1995 çулта Саша çара кайма повестка илнĕ. Хĕсметре Кабарда-Балкарире ятарлă чаçре пулнăскер çур çултан Чечняна лекет.

— Салтакра темĕн те куртăм: вилĕм те, куççуль те. Малалла вулас...