Йышлă çемье

Çĕршыври демографи лару-тăрăвне лайăхлатас тĕлĕшпе правитель­ство чылай йышăну турĕ. 2007 çултанпа иккĕмĕш ача çуратакансен /усрава илекенсен/ амăшĕн капиталĕпе усă курса пурăнмалли условисене лайăхлатма майсем пур, виççĕмĕш пепкешĕн çĕрпе тивĕçтерни те - витĕмлĕ пулăшу.

Нумай ача çуратакан хĕрарăм ватăлмасть, çамрăк курăнать теççĕ. Ахальтен каламаççĕ пуль çав. Пилĕк ачаллă амăшне çемьери аслă хĕрĕ вырăнне йышăнтăм малтан. Хĕрĕх çултан каçнине тем тесен те ĕненес килмерĕ. Пысăк Улаксарта пурăнакан Васильевсен - виçĕ хĕрпе икĕ ывăл. Чи асли Кристина 16 çулта, кĕçĕнни Милена шкула каяймасть-ха.

Хĕрлĕ Чутай районĕнчи Атнарти пĕр çемьере Иванов, Петров хушаматлă ачасем ÿсеççĕ. 33 çул килĕштерсе пурăнакан Галина Александровнăпа Александр Николаевич Индейкинсем хăйсен 3 тĕпренчĕкĕ ÿссе çитсен опекăна илнĕ. Аслисем, Андрейпа Светлана, çемье çавăрнă, ашшĕ-амăшне мăнуксем парнелеме ĕлкĕрнĕ. Кĕçĕнни Людмила Шупашкарта медицина колледжĕнче вĕренет.

Subscribe to Йышлă çемье