Ялти пурнăç

Канаш районĕнчи Малти Тукайра ĕçчен халăх пурăнать. Вăхăт таппинчен юласшăн мар вĕсем. Çавăнпах кашни иккĕмĕш хуçалăхра трактор пур. Хура çĕре туххăмрах сухаласа пăрахаççĕ, тыр-пул нумай туса илеççĕ. Тăрăшса ĕçлекенсене канма та лайăх условисем кирлĕ. Çакна халăх хăй те лайăх ăнланать.

«Пурăнмалла, ĕçлемелле - вăтанмалла мар!» Элĕк районĕнчи Вырăс Сурăмĕнчи вулавăш çумĕнчи «Варкăш» клубăн хăйнеевĕр девизĕ ку. Кунта çÿрекенсенчен чылайăшĕ тахçанах асанне-кукамай пулма ĕлкĕрнĕ ĕнтĕ, анчах вĕсенчен пĕри те килте тунсăхласа ларма шухăшламасть - пурнăçне илемлĕ те киленÿллĕ, тулли тума тăрăшать.

Улатăр районĕнчи Кивĕ Эйпеçре пурăнакан Виталий Никишина чăвашлăхпа çыхăннă мĕнпур ыйту канăç памасть. Тăван чĕлхепе çĕнĕ кĕнеке тухнă - туянма васкать, Шупашкарти чăваш театрĕсенче çĕнĕ спектакль лартаççĕ - çитсе курма хыпаланать.

- «Пенсие тухсан килти, ялти библиотекăри мĕнпур кĕнекене вулатăп. Пушă вăхăт нумай пулать», - теттĕм. Апла мар иккен, вăхăт пĕрех çитмест. Хĕлле кăна кăштах ирĕклĕрех. Чĕнтĕр те çыхатăп, тĕрĕ те тĕрлетĕп. Çуркунне вара хурт-хăмăр ĕçĕ пуçланать.

Subscribe to Ялти пурнăç