турнир

1 Чÿк, 2018

Шкул ачисем те хутшăнĕç

Çитес шăматкун, чÿк уйăхĕн 3-мĕшĕнче, республикăн тĕп хулинчи Маунтинбайк центрĕнче кире спортне кăмăллакансен «Хыпар» хаçат парнисемшĕн 1984 çултанпа иртекен Пĕтĕм Раççейри турнирĕ уçăлать.
Ăмăртăва 20 яхăн регионĕн спортсменĕсем хутшăнаççĕ. Чăваш Енĕн пăхаттирĕсем йышлă пуласси халех паллă. Çакна республика чемпионатĕнче мала тухассишĕн пыракан турнир çивĕчлĕхĕ те лайăх çирĕплетет. Шкул ачисем те хăйсен вăй-халне тĕрĕслесе пăхма кăмăл тунă. Яланхи пекех шур сухалсем те айккинче юлман.

23 Юпа, 2018

Пирĕн çамрăк спортсменсем 8 медале тивĕçнĕ

Шупашкарти тхэквондо шкулĕн воспитанникĕсем юпан 20-21-мĕшĕсенче Хусанта иртнĕ Пĕтĕм Раççейри «Кубок Аяши» турнирта республика чысне хÿтĕленĕ.

21 Авăн, 2018

Тĕрлĕ регион пăхаттирĕсем вăй виçĕç

Чăваш халăх хаçачĕн парнисене çĕнсе илессишĕн 1984 çултанпа ирттерекен Пĕтĕм Раççейри турнир çинчен çĕршывăн тĕрлĕ регионĕнче пурăнакан пăхаттирсем те пĕрре мар илтнĕ.

31 Çурла, 2018

«Хыпар» хаçат турнирĕ: 14 çултан аслăраххисем те вăй виçĕç

Паян «Хыпар» Издательство çуртĕнче хаçат парнисене çĕнсе илессишĕн йăлана кĕнĕ Пĕтĕм Раççейри турнира йĕркелес ыйтупа ĕçлекен йĕркелÿ ушкăнĕн черетлĕ ларăвĕ иртрĕ.

Ларăва Издательство çурчĕн директорĕ-тĕп редакторĕ Татьяна Вашуркина, Чăваш Енри кире пуканĕ спорчĕн федерацийĕн председателĕ Юрий Карпов, ЧР физкультурăпа спортăн тава тивĕçлĕ ĕçченĕ Петр Сидоров тата ыттисем хутшăнчĕç. Унта турнира ирттерес ыйтупа çыхăннă хăш-пĕр саманта пăхса тухрĕç.

30 Юпа, 2017

Çитĕнÿсем, черетлĕ медальсем...

Юпа уйăхĕн 20-22-мĕшĕсенче «Хыпар» хаçат парнисене çĕнсе илессишĕн кире пуканĕ йăтакансен Пĕтĕм Раççейри турнирĕ иртрĕ. Шупашкара спортăн ку тĕсне юратакансем çĕршывăн тĕрлĕ регионĕнчен килсе çитрĕç. Хăнасен хушшинче — Самар, Чĕмпĕр, Хусан, Пермь, Белгород, Киров, Санкт-Петербург, Пушкăртстан, Мордови, Алтай кире пуканçисем. Вĕсем медальсен 18 комплектне илессишĕн тупăшрĕç.

Pages