Сăваплă Валентин - юратакансен хÿтĕлевçи. Шăпах ăна сума суса уява нумай çул каяллах паллă тума тытăннă. Савнă çынна туйăмсене уçса панипе пĕрлех, паллах, Валентинпа Валентинăсене те саламлатпăр. Чăваш Республикин Пуçлăхĕн стипендине кăçал илме тивĕçнĕ списокра - тăватă Валентина.
Чăваш патшалăх культурăпа искусствăсен институтĕнче 5-мĕш курсра ăс пухакан Фотиния Хамзина мĕн пĕчĕкренех Турра ĕненсе тÿрĕ çулпа утма, çынна ырă тума хăнăхнă. Пике учитель е тухтăр пулма ĕмĕтленмен, ашшĕпе амăшĕн, пурнăçĕсене чиркÿпе çыхăнтарнăскерсен, çулĕпе утнă.
Шупашкар районĕнчи Апаш тăрăхĕ ĕлĕкренпех археологи енĕпе палăрса тăрать. Унта тупнă савăт-сапа Чăваш наци музейĕнче упранать. Çак тăрăхра пултаруллă çын та нумай. Вĕсенчен пĕри - ЧР Пуçлăхĕн стипендине виçĕ хутчен тивĕçнĕ Екатерина Ерилеева.
Учитель кунĕ умĕн çамрăк вĕрентекенĕн, ЧР Пуçлăхĕн стипендиачĕн Анна Альцевăн урокне итленĕ хыççăн манăн та тепĕр хутчен шкул ачи пулас килчĕ. Вырăс литературине хаваспах шĕкĕлчĕттĕм. Тÿрех вулавăша кайса Я.Вишневскин «Одиночество в сети» кĕнекине илтĕм.
Михаил Андриянов Канаш районĕнчи Вырăскас Пикших ялĕнче çуралса ÿснĕ. Вăл Г.Н.Смирнов ячĕллĕ спорт шкулĕнче иккĕмĕш çул ĕçлет. Михаилăн ашшĕ фирма уçнă, амăшĕ санитаркăра тăрăшать. Каччă шкулта вĕреннĕ чухнех спортпа туслашнă, ирĕклĕ кĕрешÿ енĕпе иртнĕ нумай ăмăртура малти вырăнсене йышăннă.
Чăвашла верси
Русская версия
