«Республикăра шкулсене çĕнетмелли тата çĕнĕ шкулсем тумалли анлă программа пурнăçланать. 2025 çул тĕлне пирĕн пĕр сменăпа вĕрентессине туллин тивĕçтермелле, 16,5 пин ытла çĕнĕ вĕренÿ вырăнĕ йĕркелемелле», — çапла палăртнăччĕ Чăваш Республикин Пуçлăхĕ Михаил Игнатьев ЧР Патшалăх Канашне янă Çырăвĕнче.
Шупашкарти «Асамат кĕперĕ» культурăпа курав центрĕн «Чăваш Ен сăнĕсем» проекчĕ Раççей Федерацийĕн Президенчĕн грантне çĕнсе илнĕ.
Çитĕнекен ăрăвăн граждан позицине йĕркелес тĕллевпе пуçарнă проекта Чăваш Республикин вĕрентÿпе çамрăксен политикин министрĕн тивĕçĕсене пурнăçлакан Сергей Кудряшов уçнă. Проекта хутшăнакансене — республикăри пĕтĕмĕшле пĕлÿ паракан 21 учреждени ертÿçине — сертификат панă.
Паян иртнĕ ЧР Министрсен Кабинечĕн ларăвĕнче пăхса тухнă «Вĕрентĕве аталантарасси» программăри тÿрлетÿсене тишкернĕ май республика Пуçлăхĕ çĕнĕ шкулсем тăвас ыйтусемпе те кăсăкланчĕ.
Федераци харпăрлăхĕнчен Чăваш Енри ачасене турттарма 26 автобус уйăрнă.
Шупашкарти «Волжский-3» микрорайонта çĕнĕ шкул çĕклеме пуçланă. Вăл хулари иккĕмĕш пысăк шкул пулĕ, унта 1100 ача вĕренме пултарĕ. Халĕ пĕлÿ çурчĕн никĕсне хываççĕ, ытти ĕçсене пурнăçлаççĕ.
Чăвашла верси
Русская версия
