Ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлăва Чăваш Ен Пуçлăхĕ Михаил Игнатьев çĕршывăн анлăш аталанăвĕн стратегине пырса тивекен ыйтусенчен пуçларĕ. Çак кунсенче Виталий Мутко вице-премьер çак темăпа конференци ирттернĕ, стретегире пирĕн республикăна пайăррăн пырса тивекен самантсем те пур.
Çурла уйăхĕнчи тĕп ыйтусенчен пĕри — шкулсене çĕнĕ вĕренÿ çулне хатĕрлесси. Унта ачасем хăйсене лайăх, хăтлă туйччĕр. Паян Чăваш Республикин Пуçлăхĕ Михаил Игнатьев Шупашкарти 56-мĕш шкула çитсе курчĕ.
Республикăри шкулсенче хальхи вăхăтра хĕрÿ ĕç пырать. Çĕнĕ вĕренÿ çулне хатĕрленсе кунта классене, столовăйсемпе спорт залĕсене юсаççĕ, сăрлаççĕ, территорие хăтлăлатаççĕ.
Паян ЧР Пуҫлӑхӗ Михаил Игнатьев Вӑрмар районӗнчи Енӗшпуҫӗнчи Пушарпа çӑлав чаҫӗн уйрӑм посчӗн пушарнӑйӗсен ӗҫӗ-хӗлӗпе паллашрӗ, вӗсене пуҫарулӑхӗпе хастарлӑхӗшӗн мухтарӗ.
Чăвашла верси
Русская версия
