Сăмах - редактора

11 Раштав, 2019

Умра — çĕнĕ 2020 çул, е Тавах сире, пĕр шухăшлисем!

Хаклă авторсем, юратнă вулаканăмăрсем! Акă черетлĕ çул та сисĕнмесĕр хыçа юлать. Тĕлĕнмелле хăвăрт иртрĕ вăл. Тытса чарасчĕ те вăхăта, çук çав, — çут çанталăкăн хăйĕн саккунĕсем…

21 Чÿк, 2018

Сочире «Тăван Атăл» журнала чысланă, е Мăнаçланмалăх пур:«Тăван Атăл» журнал Раççейри чи лайăх пилĕк наци кăларăмĕн йышне кĕнĕ

Ытлашши сăпайланса тăмăпăр, çак хыпар журнал редакцийĕшĕн кăна мар, пĕтĕм Чăваш тĕнчишĕн, чăваш литературишĕн пĕлтерĕшлĕ те курăмлă пулнине уççăнах çырăпăр. Мĕншĕн тетĕр-и? Мĕншĕн тесен паян, урамра саккăрла кăна мар, вуннăлла та çаптаракан рынок саманинче, «чун апачĕ» – литература — çинчен хушăран хушă кăна аса илни, «чун-чĕре сиплевçисене» вара – литераторсене, сăмах ăстисене кирлĕ пек тимлĕх уйăрманни, вĕсен обществăри пĕлтерĕшне ăнлансах кайманни никамшăн та вăрттăнлăх мар.

15 Кăрлач, 2015

“Çамрăксен хаçатне” Симферопольте те вулаççĕ

Патшана та пăхăнман вăхăт шăвать те шăвать - 2015 çулăн пĕрремĕш уйăхĕн çурри те хыçа юлчĕ. Ĕнер ирех пÿлĕм умĕнче мана кĕтсе пирĕн вулаканăмăр тăрать. Вăтам çулсенчи хĕрарăм сывлăх сунчĕ те: "Январь варри çитсе пырать, пĕр номер те килмерĕ. Сăлтавĕ мĕнпе çыхăннă-ши?" - ыйтрĕ вăл. Хисеплĕ вулаканăмăрсем, эсир "Çамрăксен хаçачĕсĕр" тунсăхлани кăмăла çĕклет, пире, журналистсене, тата та тăрăшарах ĕçлеме хавхалантарать. Мĕн тăвăн? Влаçрисем январьте пурин валли те каникул туса пачĕç те - хаçат кăларакансем те канаççĕ.