РФ Президенчĕ Владимир Путин йышăннипе 2018 çулхи кăрлач уйăхĕн 1—мĕшĕнчен Чăваш Республики çемьери виççĕмĕш тата ун хыççăнхи ачасемшĕн уйăхсерен пособи тÿлемешкĕн федераци укçине тивĕçме пуçлать.
Шупашкарти Ленин районĕнче Тăван çĕршывăн аслă вăрçин ветеранĕсен, вăрçăра вилнĕ салтак арăмĕсен, тыл ĕçченĕсен хваттерĕсене юсаççĕ. Пĕтĕмпе кăçал 14 çынна 500 ытла пин тенкĕлĕх пулăшу кÿме палăртнă.
ЧР Юстици министерствинче Патăрьел, Муркаш, Етĕрне районĕсен представителĕсемпе черетлĕ лару иртнĕ. Кун йĕркинчи тĕп ыйту — нумай ачаллă çемьесене çĕр участокĕпе вăхăтра тивĕçтересси.
Ыйтăва татса пама районсенче ял хуçалăх пĕлтерĕшлĕ çĕрĕн категорине улăштарса çемьесем валли лаптăксем хатĕрлеççĕ. Уйрăм çурт-йĕр çавăрма 288 участок йĕркелемелле, çав шутра Патăрьел районĕнче — 76, Муркаш енче — 150, Етĕрне тăрăхĕнче — 62. Ларура çак ĕçе хăвăртлатма ыйтнă.
Паян, авăн уйăхĕн 28-мĕшĕнче, тÿлевсĕр юридици пулăшăвĕ парассипе "тÿрĕ лини" ĕçлĕ. Шăнкăравсене 11 сехетрен пуçласа 12 сехетчен йышăнаççĕ.
Федерацин Атăлçи округĕнчи Чăваш кадет корпусĕнче вĕренекен сахал тупăшлă çемьесенчи ачасене тÿлевсĕр апатлантарĕç.
Чăвашла верси
Русская версия
