Çак кунсенче РФ Президенчĕн федерацин Атăлçи округĕнчи полномочиллĕ представителĕ Михаил Бабич округри Граждан обществин институчĕсене аталантарма пулăшакан фонд канашĕн ларăвне ирттернĕ. Унта округра çамрăксене патриотизм тата кăмăл-сипетпе ăс-хакăл енĕпе воспитани парас тĕллевлĕ проектсене мĕнле пурнăçланине пĕтĕмлетнĕ.
Чăваш Ен Пуçлăхĕ Михаил Игнатьев «Раççей перекет банкĕ» АУО вице-президенчĕпе, «Универсаллă электрон карта» АУО федераци уполномоченнăй организацийĕн президенчĕпе Алексей Поповпа тĕл пулнă. Ĕçлĕ калаçăва республикăри Министрсен Кабинечĕн Председателĕ Иван Моторин, ĕç тăвакан влаç органĕсен ертÿçисем хутшăннă.
Авто-флешмоба Чăваш Республикин ачасемпе çамрăксен библиотеки "Ĕç-хĕл вырăнĕ - "Аттепе пĕрле вулатпăр!" проектпа килĕшÿллĕн йĕркеленĕ. Проект культурăпа искусство тытăмĕнче ЧР Пуçлăхĕн грантне çĕнсе илнĕ.
Интернет тĕнчи мĕн вăл? Унта ачасем мĕнле хăрушлăхпа тĕл пулма пултараççĕ? Çакăн пирки тата кăсăклă ытти самант çинчен "Ачасем Интернетра" интерактив куравра тата хăрушлăхсăр Интернет урокĕсенче пĕлме май килет. Шăпах çак ятпа республикăри ачасемпе çамрăксен библиотекинче ака уйăхĕн 3-мĕшĕнче вĕренÿпе курав проекчĕ ĕçлеме пуçланă. Ăна "МТС" компани ЧР Информаци политикин, Вĕренÿ тата Культура министерствисем пулăшнипе пурнăçа кĕртет.
Чăвашла верси
Русская версия
