Аттепе пĕрле вулатпăр!

14 Юпа, 2014

Авто-флешмоба Чăваш Республикин ачасемпе çамрăксен библиотеки "Ĕç-хĕл вырăнĕ - "Аттепе пĕрле вулатпăр!" проектпа килĕшÿллĕн йĕркеленĕ. Проект культурăпа искусство тытăмĕнче ЧР Пуçлăхĕн грантне çĕнсе илнĕ.

Унăн тĕллевĕ - ашшĕсене воспитани ĕçне явăçтарасси, ачисемпе пĕрле ашшĕсене те вулама хавхалантарасси, библиотекăсене çÿреттересси, пĕрлехи канăва йĕркелеме пулăшасси.

Пултарулăх ушкăнне Валерий Кошкин поэт, Эльвира Соловьева бард ертсе пычĕç. Авто-флешмоба культурăпа кану центрĕнче кĕнекепе туслă ашшĕсемпе ачисем, асламăшĕ-кукамăшĕ, вулавăш ĕçченĕсем кĕтсе илчĕç. Уява тĕп библиотека ертÿçи Надежда Исаева уçрĕ. Патăрьел районĕнчи ашшĕсен канашĕн председателĕ Петр Перепелкин воспитани ĕçĕ-хĕлĕнче ашшĕсен пĕлтерĕшĕ пысăккине палăртрĕ.

Ачасем юратнă ашшĕсем çинчен сăвăсем вуларĕç. Унтан çитĕннисемпе пĕчĕккисем тĕрлĕ конкурса хутшăнчĕç. Юлашкинчен пурне те парнесемпе хавхалантарчĕç.

И.СЕРГЕЕВА.

Автор: 

Комментари хушас

Image CAPTCHA
Введите символы, которые показаны на картинке.