Авăн уйăхĕн 23-мĕшĕнче 10 сехет те 20 минутра пĕчĕккисем валли Рената Волкова хатĕрлекен «Шăпăрлан» кăларăм Чăваш наци радиовĕн хумĕсем çине тухать. Хальхинче унта «Хыпар» издательство çурчĕн «Тетте» журналăн авăн уйăхĕнчи кăларăмĕ çинчен пĕлме пулĕ. Мĕнпе тĕлĕнтерĕ-ши кĕрхи «Тетте»? Кун пирки Валентина Федорова корреспондент пĕлтерĕ.
Паян пирĕн «Хыпар» издательство çуртĕнче 94 çулти кинемей пулчĕ. Зинаида Михеева наци медиахолдингĕн кăларăмĕсене туянас тĕллевпе çитнĕ. «Чăваш пичечĕн» киоскĕсенче сутма пăрахрĕç те», – терĕ вăл пире. Çапла, асăннă предприяти панкрута тухас патне çитнĕ те, халĕ пирĕн кăларăмсене Раççей почтин мĕнпур уйрăмĕнче тата редакцире туянма пулать.
Документсем валли сăн ÿкерĕнмелле-и? «Хыпар» Издательство çурчĕн «Самант» фотостудине килĕр. Адресĕ: Шупашкар хули, И.Яковлев проспекчĕ, 13 /Пичет çурчĕ/. 318-мĕш пÿлĕм. 3x4 калăпăшлă 3 сăн ÿкерчĕк — 170 тенкĕ кăна. Фотографсем сăн ÿкерчĕксене çав самантрах пичетлесе параççĕ.
Паян Шупашкарти «Олимпийский» стадион черетлĕ хут спортпа туслисемпе сывă пурнăç йĕркине пăхăнакансене, хастар ушкăнсене пухрĕ. Ирхи 10 сехетре «Советская Чувашия» хаçат парнисене çĕнсе илессишĕн çăмăл атлетика эстафети старт илчĕ. Чăваш Енĕн мухтавлă арне, А.Г.Николаев летчик космонавта халалланăскер кăçалхипе 80-мĕш хут иртрĕ.
Паян «Хыпар» издательство çурчĕн «Çамрăксен хаçачĕн» редакцийĕнче Чăваш Ен наци радиовĕнче ăсталăха туптакан И.Н.Ульянов ячĕллĕ ЧПУн вырăс тата чăваш филологийĕпе журналистика факультечĕн студенткисем Эльвирăпа Диана Ивановăсем пулчĕç. Мĕн тĕллевпе? Редакци ĕçченĕсем радиоитлекенсене хăйсем ирттерекен ыр кăмăллăх акцийĕсем, ырă ĕçсем пирки каласа кăтартĕç.
Чăвашла верси
Русская версия
