Çемье кашни çыннăн пурнăçĕнче пĕлтерĕшлĕ вырăн йышăнать. Кун ăнăçлă та, япăх та иртме пултарать, анчах килте сана кĕтекен пурри малалла пурăнма хавхалантарать. Çемьери тăнăçлăхпа юрату мĕнрен килет-ши? Сак тулли ача-пăча çитĕнтерме çăмăл-ши?
«Ачасăр пурнăç — калчасăр уй-хир», — тенĕ ваттисем. Хĕрлĕ Чутай районĕнчи Штанашра пурăнакан Константиновсем 1984 çулта çемье чăмăртанă. Çурта «çĕнĕ кайăк» килессе 20 çул кĕтнĕ вĕсем. Кил ăшшин управçин Ольга Васильевнăн 1988 çулта тин çие юлнă. Шел те, кĕтнĕ ачан пурнăçĕ çав тери кĕске пулнă.
Надежда Григорьевăпа Валерий Евграфов ачаранпа пĕрле выляса çитĕннĕ. Пĕр класра вĕренсе пĕлÿ тĕнчипе паллашнă. Пике йĕкĕте салтака ăсатнă чухне хăй чĕнтĕрленĕ, тĕрлесе «ВÇН» тесе çырнă, чечек ÿкернĕ сăмса тутăрĕ парнеленĕ. Çапла майпа чĕринчи хĕмленме пуçланă юратăва палăртнă.
Вăрнар районĕнчи Кивьял пысăках мар пулин те унта алă ĕçĕ тăвакан та, выльăх нумай усракан та пур. Эпир ялти нумай ачаллă çемьесем патне çитме тĕллев лартрăмăр. Вĕсем 5-шер ача çитĕнтереççĕ, тĕпренчĕкĕсене ура çине тăратассишĕн ырми-канми ĕçлеççĕ.
Шупашкарта пурăнакан Владимирпа Клара Антоновсемпе пĕлтĕрех паллашнăччĕ. Ăнсăртран пулчĕ ку. ЧР Наци библиотеки умĕнче ашшĕ-амăшĕпе уçăлса çÿрекен вун-вун шăпăрлан хушшинче пĕри: «Эпĕ сана юрататăп, эпĕ сана юрататăп», — тесе чăвашла юрлани хăлхана кĕчĕ. Сап-сарă çÿçлĕ, тăпăл-тăпăл кĕлеткеллĕ хĕр пĕрчин шăнкăр-шăнкăр сасси, çÿл тÿпери хĕвел пек йăл-йăл кулли пăрланнă е хуйхăпа тулнă чĕрене те ăшăтса сиплейĕ. Маттурскерпе тата унăн ашшĕ-амăшĕпе калаçмасăр иртеймерĕм. Çак çемьепе çыхăнăва татмарăм, çамрăк мăшăрăн çăмăл мар шăпи çинчен ыйтса пĕлтĕм. Паян «ÇХ» тусĕсене те вĕсемпе паллаштарас килет.
Чăвашла верси
Русская версия
