Кăçалхи çу уйăхĕн 1-мĕшĕнчен пуçласа «Ростелеком» Тăван çĕршывăн Аслă вăрçин ветеранĕсене тата Ленинград блокадине тӳссе ирттернисене вырăнти, хăйĕн зонинчи тата хуласен хушшинчи стационар телефон çыхăнăвĕшĕн тӳлеттермĕ. Çакна компани президенчĕ Михаил Осеевский Раççей Федерацийĕн Федераци Пухăвĕн Федераци канашĕнче пĕлтернĕ.
Паян "Шупашкар-арена" пăр керменте самбо енĕпе çĕршыв чемпионачĕ пуçланчĕ. Чăваш Ене 60 регионтан 625 спортсмен килсе çитнĕ. Виçĕ кунра вĕсем медальсен 25 комплектне çĕнсе илессишĕн тупăшаççĕ.
ЧР Пуçлăхĕн тивĕçĕсене пурнăçлакан Олег Николаев нумаях пулмасть республикăн Аслă экономика канашне туса хурасси çинчен калакан указа алă пуснăччĕ. Эрнекун Правительство çуртĕнче çак тытăмăн пирвайхи ларăвĕ иртрĕ.
Паян Кÿкеçри 41-мĕш пушар-çăлав чаçĕнче МЧС сотрудникĕсен ăмăртăвĕ иртрĕ. Вĕсем автомобиль транспортĕнче пулнă синкерте аварипе çăлав ĕçĕсене хăйсем мĕнле пурнăçлама пултарнине кăтартса пачĕç.
Елчĕкри искусство шкулĕнче паян Василий Эктел (1950 - 2005) прозаикăн, поэтăн, публицистăн, художникăн асăну каçĕ иртет. Ăна художник вилнĕренпе 15 çул çитнине халлланă. Кун пирки Марина Карягина поэт, тележурналист Фейсбукра пĕлтернĕ.
Чăвашла верси
Русская версия
