Чăваш Ен Министрсен Кабинечĕн паян иртнĕ черетсĕр ларăвĕнче республика Пуçлăхĕн тивĕçĕсене вăхăтлăх пурнăçлакан Олег Николаев Раççей Президенчĕ, Правительстви бизнеса пулăшас енĕпе йышăнакан мерăсен никĕсĕнче ĕçлекенсен йышне упраса хăварасси тĕпре пулнине аса илтерчĕ.
Коронавируспа çыхăннă лару-тăру васкавлă мерăсем йышăнма хистет – Министрсен Кабинечĕ тунтикун черетсĕр ларăва пухăнни шăпах çакăнпа çыхăннă.
Паян ЧР Министрсен Кабинечĕн председателĕн заместителĕ - ял хуçалăх министрĕ Сергей Артамонов видеоконференцçыхăну мелĕпе район пуçлăхĕсемпе ĕçлĕ ларура уй-хир ĕçĕсем пирки калаçнă. Çурхи культурăсене пур районта акма пуçланине пĕлтернĕ.
«Хыпар» издательство çурчĕн хаçат–журналне 2020 çулăн иккĕмĕш çурри валли апрель уйăхĕн 20-мĕшĕнчен пуçласа 30-мĕшĕччен йӳнĕ хакпа çырăнма ĕлкĕрĕр. Пирĕн кăларăмсене почта уйрăмĕсенче тата почтальон урлă çак хаксемпе çырăнтараççĕ.
Паян Правительство ҫуртĕнче ЧР Пуҫлӑхĕн тивĕҫĕсене пурнӑҫлаканĕ Олег Николаев Чӑваш Енре коронавирус инфекцине сарассине чарса лартас енĕпе ĕҫлекен оперативлӑ штабӑн ларӑвне ирттерчĕ.
"Республикӑра коронавируспа чирлекенсен йышĕ ӳсет пулин те лару-тӑрӑва тĕрĕслесех тӑратпӑр. Граждансен сывлӑхне упрас тесе кирлĕ мерӑсем йышӑнтӑмӑр. Ку ĕҫ малалла пырать. Медицина учрежденийĕсене чирлисене йышӑнма хатĕрлерĕмĕр", — терĕ Олег Алексеевич.
Чăвашла верси
Русская версия
