Раççейре иртекен футбол енĕпе тĕнче чемпионачĕ уçăлнă кун Шупашкарти Хĕрлĕ тÿремре пысăк экран вырнаçтарчĕç. Спортăн çак тĕсне юратакансем унта тĕрлĕ çĕршыв командисем мĕнле вылянине кураяççĕ. Паян Çĕмĕрле хулинче те «чирлекенсем» валли ятарлă лапам уçĕç.
Икĕ пин те пилĕкçĕре яхăн çул каяллах Авалхи Грецире тата Римра футболла выляни паллă. Çулсеренех декабрĕн 10-мĕшĕнче Пĕтĕм тĕнчери футбол кунне уявласси йăлана кĕчĕ ĕнтĕ. Пин-пин çыншăн вăл вăйă çеç мар, хăйне евĕр пурнăç та. «Мечĕк тапасси» çинчен пĕрремĕш хут асăннине Китай çырăвĕсенче тупнă, вăл пирĕн эрăчченхи иккĕмĕш пинçуллăха лекет. Çак вăййа ун чухне Цу Чю тенĕ, ку «урапа тĕкесси» тенине пĕлтерет. Футболла выляни Китай салтакĕсене кĕлеткене çирĕплетме пулăшнă имĕш.
Чăвашла верси
Русская версия
Чăваш волонтерĕсем футбол чĕлхине вĕренесшĕн
