Раççей МЧСĕн Чăваш Енри тĕп управленийĕ ейÿ сарăлас хăрушлăх пысăккине шута илсе ака уйăхĕн 8-12-мĕшĕсенче уйрăмах сыхă
пулма ыйтни çинчен хаçатра çырнăччĕ. Патăрьел, Канаш, Куславкка, Комсомольски, Красноармейски, Хĕрлĕ Чутай... тăрăхĕнче пурăнакансем шар курма пултарасси пирки асăрхаттарнăччĕ. Çавăнпах республикăри хальхи лару-тăрупа паллаштарас килет.
Республика Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе паян ирттернĕ канашлура çурхи ейÿ тапхăрне хатĕрленес ыйтупа ГКЧС ертÿçи Вениамин Петров сăмах илчĕ.
"Прогнозпа килĕшÿллĕн - кăçал юхан шывсем пăртан ытти çулхисенчен 3-5 кун каярах тасалма пуçлаççĕ", - терĕ Раççей МЧСĕн Чăваш Республикинчи тĕп управленийĕн пуçлăхĕ Станислав Антонов генерал-майор паян иртнĕ пресс-конференцире. Вăл çакна çуркунне ытти чухнехинчен каярах юлнипе çыхăнтарчĕ.
Çуркунне çитсен нумайăшне ейÿ тапхăрĕ мĕнле иртсе каясси шухăшлаттарать, уйрăмах — юханшыв, пĕве-кÿлĕ çывăхĕнче пурăнакансене. Шыв çыранран тухса пахчасене çитни тухăçа ÿстерме пулăшать теççĕ-ха, çапах çав хушăрах вăл пурлăха пысăк сиен кÿме те пултарать. Çакна шута илсех ĕнтĕ çурхи шыв-шур тапхăрне республика ертÿлĕхĕ те, МЧС ĕçченĕсем те тĕрĕслесех тăраççĕ.
Чăвашла верси
Русская версия
