Çын тата саккун

30 Авăн, 2015

Сĕт паха-и?

Çакна тивĕçтерменни сывлăхшăн усăллă мар

Шупашкарта тин çеç «Сĕт фестивалĕ» иртрĕ. Çавна май Роспотребнадзорăн республикăри управленийĕн потребитель рынокĕнче сутакан сĕт тата унран хатĕрленĕ юр-вар пахалăхне тĕрĕсленипе çыхăннă ĕçĕн кăтартăвĕсем пушшех интереслĕ.

18 Авăн, 2015

Коррупцишĕн çул хупă-и?

Пĕтĕмпех хупă тееймĕн, анчах хупма ăнтăлни ‐ куçкĕрет

Çĕршыв ертÿçисем коррупципе кĕрешессин пĕлтерĕшĕ пысăкки çинчен аса илтерсех тăни ахаль иртмест пулас. Кирек мĕнле пулсан та прокуратура органĕсем çак ĕç çине алă сулманни куçкĕрет. Чăваш Ен прокуратуринче коррупцие кăклас кăмăл пысăкки те иккĕленÿсĕр. Çакна унăн кулленхи ĕçĕн кăтартăвĕсем те çирĕплетеççĕ. Апла пулин те прокуратура мĕн тунипе кăна çырлахасшăн мар. Ку право хуралĕн ытти органĕнчен, çавăнпа пĕрлех вырăнсенчи прокуратурăсенчен çирĕп ыйтнинче те палăрать.

18 Çурла, 2015

Илĕртÿллĕ "пирамидăсен" çăткăнлăхĕ çинчен

 

Финанс пирамидин паллисем:

- питĕ анлă реклама;

- рынокринчен пысăкра х тупăш шантарни;

- пуçламăш взнос ыйтни;

- çĕнĕ клиентсене илсе килнĕшĕн бонус тÿлени;

- офисра тĕплĕ паллаштармасăрах килĕшĕве алă пусма сĕнни;

- компани ертÿçисем çинчен калакан информаци, тивĕçлĕ реквизитсем çукки;

- компани продукци туса кăларманни, пулăшу ĕçĕ кÿменни;

- çынсен укçине явăçтарас енĕпе ĕçлемешкĕн лицензи çукки.

Экономикăри йывăрлăхсен тапхăрĕнче финанспа çыхăннă ултавçăсем пуç çĕклени вăрттăнлăх мар. Вĕсем граждансене улталама темле мелпе те усă кураççĕ. Пĕри - финанс пирамиди. Шел те, çак пулăм Чăваш Еншĕн те ют мар.

Пысăк тупăш шантараççĕ те...

Пуçласа финанс сферинче "пирамида" сăмахпа Англире иртнĕ ĕмĕрĕн 70-мĕш çулĕсенче усă курнă. Ултав мелĕ вăй илсех пынине кура термина çаврăннă сăмах тĕнчипе тымар янă.

31 Пуш, 2015

...Ăсатмастпăр салтака сире

Çул çитсен кашни яшăн Тăван çĕршыв умĕнчи тивĕçе пурнăçламалла - çар ретне тăмалла. Сывлăх хавшак е службăна каяссине каяраха куçармалли урăх сăлтав пулсан кăна призывран хăтараççĕ. Акă каллех черетлĕ призыв тапхăрĕ çитĕ. Вăл апрелĕн 1-мĕшĕнчен пуçланать те июлĕн 15-мĕшĕнче вĕçленет. Инçет Çурçĕрте пурăнакансемпе вĕренÿ заведенийĕсен ĕçченĕсемшĕн кăна уйрăмлăх пур - вĕсемшĕн çурхи призыв майăн 1-мĕшĕнче пуçланать.

11 Пуш, 2015

«Власов следователь» йĕрĕпе...

- Мăнукăм шăнкăравласа сехрене хăпартрĕ, - паян та сасси чĕтренсе тухать Валентина Ивановнăн. - Лавккана тухнă та çул çинче такампа тытăçса кайнă, ăна чышса янă, лешĕ ÿксе йывăр суранланнă иккен. «Следователĕ йĕркеллĕ, калаçсан айăпласран хăтăлса юлма пулать. Телефона ăна парам-ха...» - терĕ. Хăйĕнпе Власов следователь тесе паллаштарнăскер йывăр суранланнăскерĕн тăванĕсемпе калаçнă-мĕн - вĕсем çураçма хирĕç мар. Анчах çынна сиплеме укçа тÿлемелле - «эсир пулăшма хатĕр-и? Унсăрăн мăнукăр 8 çуллăхах ирĕклĕхсĕр юлма пултарать». Хăй манăн мăнук ятне те пĕлет вĕт-ха...

Pages