Çут çанталăк

ЧР Çут çанталăкпа экологи министерстви Патăрьел районĕнче хĕллехи ыйхăран вăраннă сăвăрсене курнине-асăрханине пĕлтерет. Халĕ вĕсем пĕлтĕрхи курăкпа тăранса пурăнаççĕ. Каярах хăйсен йăвине юсама пуçлĕç е çĕннине чавĕç.

Юр çăвать, куç курми тăман вĕçтерет те — ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлăва ЧР Пуçлăхĕ Михаил Игнатьев çапла каланинчен — çанталăкăн çак условийĕсенче пурнăçпа ĕç-хĕле тивĕçтерес ыйтусенчен — пуçлани ăнсăртран мар. Вăл авари тĕслĕхĕсене сирес, çулсене тасатас енĕпе тивĕçлĕ мерăсем йышăнма хушрĕ.

Çак кунсенче Элĕк районĕнчи Тури Хурасанта пурăнакансем хăйсен тăрăхĕнче тилĕ хунаса кайни çинчен редакцие шăнкăравласа пĕлтерчĕç. «Пĕр каçра 4 чăха тытрĕç», — терĕ кинемей пăшăрханса. Урамрах çÿреççĕ иккен вĕсем. Çитменнине хăрамаççĕ те. Асăннă ялта çеç мар, кÿршĕри Анатри Хурасанта, Шуркассинче, Тури тата Анатри Юлăшра алхасать тискер чĕр чун. Чăх-чĕппе пĕрлех хур-кăвакала та, кăрккана та тиркемест иккен. Ял халăхĕ ĕрчевлĕскере епле пĕтермелли çинчен шухăшлать.

Хăй вăхăтĕнче Ҫӗнӗ Шупашкарти «Химпром» çывăхĕнче тем пысӑкӑш шӑршлӑ кӳлленчӗк тӑнине асăрханине республикăри массăлллă информаци хатĕрĕсем тупăшса тенĕ пек хыпарларĕç.

Pages

Subscribe to Çут çанталăк