Çут çанталăк

Чрезвычайлă лару-тăру министерстви инкеклĕ лару-тăру пирки асăрхаттарать. Ун пек хыпарсене министерствăн республикăри тĕп управленийĕ çынсен карас телефонĕсемпе те систерчĕ.

Кăçалхи çу уйăхĕн 25-мĕшĕнчен пуçласа çĕртме уйăхĕн 25-мĕшĕччен республикăри тыркассене шутланă. Федераци шайĕнчи уйрăмах сыхламалли вырăнта пурăнакансене кĕртмесĕр 1145 чĕр чуна шута илнĕ. Вĕсем республикăн 11 районĕнче тĕпленнĕ. Çĕрпÿри тыркас усравлăхĕнче, "Канаш" сунар хуçалăхĕнче, Етĕрне районĕнче çак чĕр чунăн йышĕ хушăннине палăртнă.

ЧР Министрсен Кабинечĕн Хушăвĕпе тыркассене 2019 çулхи утă уйăхĕн 14-мĕшĕччен тытма чарнă.

 

Çĕмĕрле районĕнчи Юманай Ялтăра ял тăрăхĕнчи Уйпуç Ялтăра ялĕ çумĕнче йăлари хытă каяш полигонĕ тăвас ыйтăва сÿтсе яваççĕ. Ăна хута ярсан Çĕмĕрле районĕпе хулинчен, кÿршĕ районĕсенчен кунта ăпăр-тапăр турттарма шухăшлаççĕ. Эпĕ çав проекта хирĕç. Мĕншĕн тесен Юманай Ялтăра таврашĕнче — çын йышлă пурăнакан ялсем. Полигон валли пĕтнĕ ялсен вырăнне суйласа илмелле. Сăмахран, Тури Макарин енче çавнашкал ял темиçе те. Çывăхри Хĕрлĕ Чутай вăрманĕн уçланкинче хута ярсан та çынсене сахалрах сиен кÿрĕ.

 

Çу уйăхĕн 20-мĕшĕнче федерацин «Сăрçум» заповедникĕн Елчĕк районĕнчи лаптăкĕнче (97,8 га), Энтепе ялĕн пĕвинче, пысăк шурă чарлансене асăрхасан питĕ тĕлĕнтĕмĕр.

Çĕршывра «Симĕс Раççей» акци пырать. Унăн пуçаруçи — Пĕтĕм Раççейри «Симĕс Раççей» обществăн экологи организацийĕ.

Сĕнтĕрвăрри районĕнчи вăрманлăх учрежденийĕн коллективĕ Совет Союзĕн икĕ хут Геройĕ Ан¬дриян Николаев космонавт летчик тĕнче уçлăхне пĕрремĕш хут вĕçсе хăпарнăранпа 55 çул çитнине халалласа Турханкасси участокĕнчи 1,2 гектар çинче лиçвак лартнă.

Pages

Subscribe to Çут çанталăк