Турă кашнинех талант парать. Унăн тÿпи пĕр процент çеç пулсан тепĕр тăхăрвун тăххăрăшне çыннăн хăйĕн аталанса тупмалла. Мĕн те пулин ăсталакансенчен тĕлĕнме, вĕсен ылтăн алли тунă ĕçсемпе киленме пăрахмастăп. Иккĕленместĕп, çавнашкаллисем кашни тăрăхрах пур.
«Ал ĕçĕ вăхăт ирттерме çеç мар, унтан та ытларах хуйха-суйха манма, пăшăрханнине сирме, ыйхă çĕтсен лăпланма пулăшать», - тенине ăстасенчен пĕрре мар илтме тÿр килнĕччĕ. Вăрнар районĕнчи Мăн Явăшра пурăнакан Зоя Владимирова та çак шухăшах çирĕплетрĕ.
Çуллахи вăхăтра лавкка сентрисем тутлăран та тутлă улма-çырлапа йăтăнаççĕ. Кăнтăрта çитĕннĕскерсем куçа илĕртеççех. Пылак çак çимĕçсене укçа тăкакласа туяниччен килтех ÿстерме май пур. Кудеиха ялĕнче пурăнакан Александр Теменев хăйĕн пахчинче нумай çул иçĕм çырли çитĕнтерет.
Сиенлĕ йăласемпе туслашса пурнăç тĕллевне çухатман кашни çыннах пушă вăхăтне сая ярас мар тесе хăйĕн валли чун киленĕçĕ шырать. Шупашкарта пурăнакан Зинаида Каткова та декрет отпускĕнче кăмăлне каякан киленĕç тупнă.
Чăвашла верси
Русская версия
