Айăплав

Чăваш Енри ШĔМ информаци центрĕ пĕлтернĕ тăрăх, 2016 çулта саккуна пăснă кашни çиччĕмĕш çын — хĕрарăм. Вĕсене — 977 хĕр-хĕрарăма — преступлени çулĕ çине хÿтĕленес тĕллевпе те, ăнсăртран та тăманнине пула, этемлĕхĕн черчен пайĕ теме чĕлхе те çаврăнмасть.

«Эрешлĕ» майра

Вăрмар район сучĕ Тăвай районĕнче пурăнакан 60 çулти арçын тĕлĕшпе уголовлă ĕçе пăхса тухнă. Вăрçă хатĕрĕ туса саккунсăр майпа упранишĕн айăплаççĕ ăна.

Иртнĕ çул пуçламăшĕнчех металл пăрăхсемпе алă айĕнчи ытти япаларан пăшал евĕр хатĕр ăсталанă вăл. Аппалансан-аппалансан 16-мĕш калибрлă патронпа перекен хатĕр пулса тăнă. Ăна вăл пĕлтĕрхи чÿк уйăхĕчченех - полици ĕçченĕсем шыраса тупиччен - пÿрт маччи çинче упранă.

Республикăн Аслă сучĕ апелляци тишкерĕвĕн кăтартăвĕсем тăрăх Çĕнĕ Шупашкар хулин сучĕн кăçалхи утă уйăхĕнче палăртнă приговорне улăштармасăр хăварнă. Сăмах Федерацин наркотĕрĕслев службин Чăваш Енри управленийĕн химиксен хулинчи пайĕн аслă оперуполномоченнăйĕ пулнă 29 çулти çамрăк пирки пырать.

Çапла вара экс-опер тĕлĕшпе приговор саккунлă вăя кĕнĕ. Ăна УК 285 статйин 3-мĕш пайĕпе /должноç полномочийĕсемпе киревсĕр тĕллевпе усă курни/ айăпланă, 2 çуллăха пĕтĕмĕшле режимлă колоние ăсатма йышăннă.

Çĕрпÿ районĕн администрацийĕн пуçлăхĕн çумĕ пулнă Денис Николаева пĕлтĕрхи раштавра должноç полномочийĕсемпе киревсĕр тĕллевпе усă курнăшăн айăпланăччĕ. Халь вара район сучĕн ун пиркиех палăртнă тепĕр приговорĕ саккунлă вăя кĕнĕ.

Республикăн Аслă сучĕ Шупашкар районĕн сучĕн тĕп хула администрацийĕн пуçлăхĕ пулнă Николай Емельяновăн ывăлĕ Дмитрий тĕлĕшпе палăртнă приговорне çирĕплетнĕ. Ăна çулталăклăха колони-поселение ăсатма, 3 çуллăха водитель удостоверенийĕсĕр хăварма йышăннă.

Subscribe to Айăплав