Шкула лекес тесе тăван патне каяççĕ
Кăçал Чăваш Енри шкулсене пĕрремĕш класа 15736 ача кайĕ, çак йышран 65,6 проценчĕ хулари шкулсене çÿреме тытăнĕ. Шупашкарта заявленисене электрон майпа пухаççĕ. Шкул урати патĕнче кĕпĕрленме тивменрен ку хыпара ашшĕ-амăшĕ ырласа йышăннă. Анчах йывăрлăх та пур. Республикăн Правительство членĕсемпе эрнесерен иртекен канашлура Шупашкар хула администрацийĕн пуçлăхĕ Алексей Ладыков тепĕр шкула вĕренме кĕме заявлени йышлине, анчах вырăн çителĕксĕррине пĕлтернĕ.