Приматсем

•Çĕр çинчи чи пĕчĕк примат тесе карлик евĕр игрункăна калама йышăннă. Унăн пысăкăшĕ 11-15 сантиметрпа танлашать, 22 сантиметр тăршшĕ хÿрине шута илмесен.

•Упăтесем хăйсене тĕкĕр çинче курсан палласа илееççĕ.

•Пĕррехинче пĕр упăте I? тестне питĕ лайăх пурнăçланă, вăл вăтам ÿсĕмри американăн ăс-тăнĕпе танлашать.

•Таиландра çулсеренех çак чĕрчунсене апат-çимĕç уявĕ туса параççĕ. Храма икĕ пине яхăн упăтене илĕртеççĕ те вĕсене нумай-нумай улма-çырлапа тата пахчаçимĕçпе хăналаççĕ. Таиландра приматсене мĕншĕн юратаççĕ-ши? Сăлтавĕ питĕ кăсăклă. Çак чĕрчунсен çарĕ Рама турра тăшмана çĕнме пулăшнă иккен.

•Упăтесем нихăçан та шăнса пăсăлмаççĕ.

•Тулаш сăнне пăхсанах унăн кăмăл-туйăмне палăртма пулать: тăрăхласа кулни е çÿлти тутине тăсни - тарăху палли. Пуçне силлени те, хулпуççисене хускатни те çакнах систерет.

•Приматсен аçисем, арçынсем пекех, кукшаланаççĕ. Генетикăпа çыхăннă ку.

•Упăтесен кун-çулĕ вĕсен пысăкăшне кура тĕрлĕрен пулма пултарать: чи пĕчĕккисен - игрункăсен - 10 çултан иртмест, орангутансен вара - 57-60 çул.

•Хăйсен пушă вăхăчĕн ытларах пайне упăтесем пĕр-пĕрин тулаш сăнне тирпейлесе ирттереççĕ.

•Гориллăсем йăвара çывăрма юратаççĕ, уйрăмах амисем. Вĕсем çĕр çинче йывăç тураттисемпе çемçе çулçăсенчен хăйсене валли выртмалли вырăн хатĕрлеççĕ.

•Упăтен юратнă çимĕçĕ банан тени - йăнăш. Вĕсенчен хăшĕ-пĕри çак улма-çырлана тутанса та курман. Приматсен рационĕ тĕрлĕ енлĕ, вĕсем ÿсентăран кăна мар, чĕрчунсене те çиме пултараççĕ.

•Упăтесем ушкăнпа çÿреççĕ, кун пек вĕсене çимелли тупма çăмăлрах.

•Хăш-пĕр тĕсĕн хÿри питĕ хăватлă, вăл кĕлетке йывăрăшне тÿсме пултарать.

•Упăтепе этем пĕр евĕрлĕ пулин те пĕрремĕшне калаçма вĕрентеймĕн. Мĕншĕн тесен çак чĕрчунăн пуç миминче пуплев центрĕ çук.

Комментари хушас

Image CAPTCHA
Введите символы, которые показаны на картинке.