ПĔРИНШĔН - ЛАЙĂХ, ТЕПРИНШĔН...

Улма-çырлапа пахча çимĕçе тĕрĕс çимелле, мĕншĕн тесен вĕсем апат ирĕлтерекен органсене тĕрлĕрен витĕм кÿреççĕ.

  • Типĕтнĕ абрикос /курага, урюк/ тата чĕрĕ персик сахăр диабечĕпе чирлĕ çынсене юрамаççĕ, мĕншĕн тесен вĕсенче сахăр нумай.
  • Хăшĕ-пĕри абрикос вăррине юратать. Анчах ăна çисе наркăмăшланма та пулать. Малтанхи сехетсенче хырăмлăхра канăçсăрлантарма пуçлать, 4-5 сехетрен пыр хĕртет, пуç ыратать, ăш пăтранать, хăстарать, йывăр наркăмăшлансан мышцăсене хутлатма, тăн çухалма пултарать.
  • Гемоглобин шайĕ тата юн кĕвелесси пысăк чухне хура пилешпе хура хурлăхан нумай çини тăхасем пухăнассине витĕм кÿме пултарать.
  • Сырлан /облепиха/ хырăмлăхăн язва чирĕ тата панкреатит /хырăм ай парĕн шыççи/ аптратсан организмшăн сиенлĕ.
  • Хырăмлăхăн язва чирĕ вĕрĕлнĕ, панкреатит, çинçе пыршă шыçнă чухне апельсин çиме юрамасть.
  • Лимон кăкăра хĕртме, хырăмлăха хутлатма, хăстарма пултарать. Ăна апат хыççăн ĕçекен чее пылпа пĕрле 1-2 касăк хушни те çителĕклĕ.
  • Грушăна выç хырăмла тата апат хыççăн тÿрех çимелле мар. Ăна çинĕ хыççăн сивĕ шыв ĕçме те сĕнмеççĕ.
  • Купăста çисен сисĕмлĕ хырăмлăх кÿпĕнме, чикен аптратма пултарать. Пуçлă сухан та çакăн пек витĕм кÿрет, ытла нумай çини пÿрепе пĕвершĕн сиенлĕ. Ыхрана эпилепсипе, гипертонипе аптракансен, ача кĕтекен хĕрарăмсен çимелле мар.
  • Йÿçĕ пăрăçа геморрой, хырăмлăх, пĕвер, пÿре чирĕсем тертлентерсен рационран кăлармалла. Пылак пăрăç чĕре чирлĕ çынсемшĕн вырăнлă мар.
  • Тин юхтарнă кăшман сĕткенĕ юн тымарĕсене хытă пĕрет, çавăнпа усă куриччен 2-3 сехет лартмалла. Кăшман сĕткенне пан улми е лимон сĕткенĕпе çурмалла хутăштарса ĕçни тата усăллăрах.

Комментари хушас

Image CAPTCHA
Введите символы, которые показаны на картинке.