Хăна çурчĕ çук, анчах укçа тÿленĕ

Чăваш Енре пурăнакансем тĕрлĕ сайтра ултавçăсен серепине çакланаççĕ. Çак кунсенче Хура тинĕс хĕрринче канма шут тытнă Шупашкарти икĕ çынна шăнман пăр çине лартнă.

35-ри хĕрарăм Абхазире канас тесе хăна çурчĕн сайтĕнче телефон номерне çырса хăварнă. Вăхăт нумай та иртмен — ăна шăнкăравланă, пурăннăшăн маларах укçа тÿлеме ыйтнă. Çапла майпа хĕрарăм 22 пин тенкĕсĕр юлнă. 54-ри арçын та шар курнă. Вăл Ялтăри пĕр санаторири пÿлĕмшĕн икĕ хут укçа куçарса панă, пурĕ — 44 пин тенкĕ. Кайран ку санаторий çуккине пĕлнĕ.

www.hypar.ru

Ирина КОШКИНА. S-motor.ru сăн ÿкерчĕкĕ.