Тăвай районĕн прокуратури алкоголь продукцийĕн вак суту-илĕвне лицензилемелли саккунсене пăхăннине çирĕп тĕрĕслесе тăрать. Пĕлтĕр лицензисĕр эрех сутнăшăн икĕ предпринимателе административлă майпа явап тыттарнă. Саккунсăр алкоголе туртса илсе тĕп тунă, пĕр киоска ĕçлеме чарнă.
Юнкун 14 сехет тĕлнелле Мускав-Ĕпхÿ автотрассăн 609-мĕш километрĕнче инкек пулнă: «Лада Гранта» çăмăл автомобиль прицеплă «Вольво» фура çине пырса кĕнĕ.
Малтанлăха палăртнă тăрăх - Етĕрнере пурăнакан 53 çулти арçын тăван хулине çул тытнă май çăмăл машинăна «пăхăнтарайман», çулăн транспорт хирĕç килекен енне тухса кайса «Вольво» грузовикпе сылтăм енĕпе çапăннă. Шел те, аварире водитель хăй те, унăн 7 çулти мăнукĕ те, Шупашкарта пурăннăскер, вилмеллех суранланнă. Пĕчĕкскере ачасене транспортра лартса çÿремелли ятарлă хатĕрпе те усă курнă - çакă та пулăшман.
Пирĕн ентеше, ирĕклĕ мелпе кĕрешес енĕпе спортăн тĕнче класлă мастерне Наталья Смирновăна Раççейри çамрăк хĕрсен пĕрлештернĕ командин аслă тренерĕ пулма çирĕплетнĕ.
Волейболла выляса ÿсмен яшсемпе хĕрсем çук та пулĕ. «Эпир те ача чухне волейбол лапамĕнчен тухма пĕлместтĕмĕр. Стадионта мечĕке хăваласа чупас вырăнне икĕ юпаран сетка карса волейболла выляттăмăр», - тет «Куславккасем» ентешлĕхĕн ертÿçи, Чăваш наци конгресĕн «Сывă наци» комитечĕн председателĕ Юрий Зорин.
ЧР Культура министерствин йышăнăвĕпе иртнĕ çулхи декабрĕн 24 - кăçалхи февралĕн 4-мĕшĕсенче республикăра 2015 çулта иртекен Литература çулталăкĕн тата К.В.Иванов çулталăкĕн эмблемисен эскизĕн конкурсĕ ĕçленĕ.
Йĕпреç районĕнче пулнă хăрушă аварире ултă çыннăн пурнăçĕ татăлнă. 4 стр.
30 çулти Людмила Гаранинăн хваттерĕнче çирĕм кушак пурăнать. 5 стр.
«Апи кашни ачине шкула шурă татăкпа чĕркенĕ пĕрер чĕлĕ çăкăр парса яратчĕ». 6 стр.
Алексей Еразумов вĕреннĕ вăхăтрах академи отпускĕ илсе çара кайнă. Мĕншĕн? 8 стр.
Студентсене кризис хăратать-и? Ун нушине туйнă-и вĕсем? 9 стр.
«Траншейăна кĕрсе выртаттăм, «халь вилетĕп-ши?» тесе шухăшлаттăм». 11 стр.
Амăшĕ урам варринчех ывăлĕ çине урнă йытă евĕр сиксе ÿкрĕ. 13 стр.
Паха та шанчăклă çул-йĕр тытăмне йĕркелесси — патшалăхăн чи пĕлтерĕшлĕ тĕллевĕ. 2015 çулта Чăваш Енри автомобиль çулĕсене тума тата юсаса çĕнетме 2 миллиард тенкĕ ытла пăхса хăварнă. Кăçал ку тĕлĕшпе пысăк калăпăшлă ĕçсем туса ирттермелле. Правительство пуçлăхĕ Иван Моторин республикăри районсемпе хуласен администрацийĕсен ертÿçисемпе ирттернĕ видеоканашлура çак ыйтусене сÿтсе яврĕ.
Чăвашла верси
Русская версия
