Новости по теме

Çамрăксен театрĕнче ака уйăхĕн 4-мĕшĕнче Чăваш халăх артисчĕн Александр Степановăн /Пăртта/ юбилей каçĕ иртет.

Вăл ятарлă пĕлÿ илнĕ хыççăн республикăри Пукане театрĕнче ĕçленĕ. 1990 çултанпа Çеçпĕл Мишши ячĕллĕ Чăваш патшалăх çамрăксен театрĕнче вăй хурать.. Çакăнти ĕç «Шупашкарти савни» спектакльти /Николай Сидоров/ тĕп роле калăпланинчен пуçланнă. Унтанпа 100 ытла сăнарпа сцена çине тухнă вăл.

Ф.Павлов ячĕллĕ Шупашкарти музыка училищи анлă сарăлнă чăваш тата вырăс юрри-кĕввине итлеме йыхравлать.

Ака уйăхĕн 3-мĕшĕнче Сергей Рахманиновăн хайлавĕсемпе киленме май килĕ. Концерта композитор çуралнăранпа 150 çул çитнине халалланă.

Ака уйăхĕн 10-мĕшĕнче Александр Васильев композиторăн хайлавĕсем янăрĕç. Унăн пултарулăхне сума сăвакансем ас тăвăм каçне пухăнĕç.

Патшалăх ĕçлев инспекцийĕн пĕтĕмлетĕвне пăхас тăк — ĕç укçипе çыхăннă парăм республикăра çукпа пĕрех. Пĕтĕмпе те 545 пин тенкĕ — пĕр предприятин 13 çын умĕнче çавăн пек парăм капланнă. Анчах чăннипе ĕç-пуç чылай çивĕчрех. Çакă Ведомствăсен ĕç укçине вăхăтра тата туллин тӳлес, официаллă мар майпа ĕçлессин тӳпине чакарас енĕпе ĕçлекен пĕрлехи комиссийĕн ЧР Пуçлăхĕ Олег Николаев ертсе пынипе ытларикун иртнĕ ларăвĕнче куçкĕрет палăрчĕ.

Тунтикунхи канашлура ачасен çуллахи канăвне йĕркелес ыйтăва сӳтсе яврĕç. Вĕрентӳ министрĕн тивĕçĕсене пурнăçлакан Александра Бочкарева пĕлтернĕ тăрăх, çуллахи каникул тапхăрĕнче 43,2 пин ача тĕрлĕ майпа канĕ, сывлăхне çирĕплетĕ. Вĕсене хула тулашĕнчи 16, шкулсен çумĕнче йĕркелекен лагерьсем йышăнĕç. 1-мĕш смена çу уйăхĕн 29-мĕшĕнчех уçăлмалла. Ашшĕ-амăшĕнчен ачисене лагерьсене яма ыйтса çырнă заявкăсене йышăнма пуçланă та ĕнтĕ.