Новости по теме

4 Утă, 2022

Чăваш Ене килекен нумайланнă

Нумаях пулмасть республикăра пысăк мероприятисем кĕрлесе иртрĕç. Çавна май специалистсем хăш регионтан хăна ытларах килнине тĕпченĕ.

Чи нумай турист Чулхуларан, Мускавран тата Питĕртен пулни палăрнă. Çавăн пекех Екатеринбургран, Новосибирскран, Сыктывкартан, Владивостокран, Печорăран, Норильскран, Владикавказран килекен те сахал мар пулнă. Унсăр пуçне Чăваш Енĕн тĕп хулине Уралтан тата Инçет Хĕвел тухăçран та килнĕ.

www.hypar.ru

Кун хыççăн кун
4 Утă, 2022

Чĕлĕме пула

Утă уйăхĕн 3-мĕшĕнче Çĕнĕ Шупашкарта икĕ пушар тухнă. Иккĕшĕ те — пирус туртнă чухне асăрханманнине пула.

Виçĕ пӳлĕмлĕ хваттерте пулнă пушарта 45 çулти арçыннăн ĕмĕрĕ татăлнă. Хайхискер кравать çинче пирус туртса выртнă. Хваттертен тĕтĕм тухнине урамра иртсе çӳрекенсем асăрханă та çăлав службине чĕннĕ. Çулăм çавăн пекех сĕтел-пукана, шалти стенасене сиенленĕ. Пĕр пӳлĕмлĕ хваттерте те пирусран вырăн таврашне çулăм тивнĕ. Анчах кил хуçи çăлăнма ĕлкĕрнĕ.

Пулса иртни
4 Утă, 2022

Хĕрлĕ Чутайра – çĕнĕ палăк

Интернационал тивĕçе пурнăçланă тата темиçе çĕршыври хирĕç тăрăва хутшăннă салтаксене халалланă палăка утă уйăхĕн 1-мĕшĕнче уçнă.

Афган, Африка, Ази тата Чечня вăрçисене Хĕрлĕ Чутай районĕнчен хутшăнакан сахал мар пулнă. Афганистанра çар тивĕçне 120 çын пурнăçланă, иккĕн таврăнайман. Чечняри хирĕç тăрăва йĕркелеме вара 200 çын кайнă, иккĕн таврăнайман.

www.hypar.ru Cap.ru сăн ÿкерчĕкĕ

Кун хыççăн кун
4 Утă, 2022

Логотип çирĕплетнĕ

Шахматистсен чемпионачĕ кăçал Чăваш Енре авăн уйăхĕн 10-23-мĕшĕсенче иртĕ.

Раççей шахмат федерацийĕ суперфиналăн логотипне тата брендбукне çирĕплетнĕ. Раççей картти çинче «Чебоксары» тесе çырнă, чăваш эрешне сăнланă. Çавăн пекех шахмат паллине те кĕртнĕ. Кĕтессене те чăваш эрешĕпе илемлетнĕ. Раççей чемпионачĕн официаллă символикипе ăмăртусен полиграфи, чыслав тата сувенир продукцине хатĕрленĕ чухне усă курĕç. Палăртмалла: шахматистсен чемпионачĕсен суперфиналĕ Чăваш патшалăх ӳнер музейĕнче иртĕ.

Спорт
4 Утă, 2022

Информатикăна тарăннăн вĕрентĕç

И.Н.Ульянов ячĕллĕ ЧПУра магистратурăн çĕнĕ профилĕ уçăлĕ. Унта информатикăпа шутлав техникине тарăнрах вĕрентĕç.

Студентсем текстсене ахаль чĕлхепе хатĕрлĕç, даннăйсене ăс-хакăл енчен тишкерĕç, эксперт тытăмĕпе тата виртуаллă агентсемпе ĕçлĕç, кредит йышăнăвĕсем тунă чухне чăн мар ăс-хакăлпа усă курĕç, банк операцийĕсем ирттернĕ май финанс хăрушсăрлăхĕпе тивĕçтерĕç. ЧПУ ректорĕ Андрей Александров палăртнă тăрăх, халĕ шухăшлама пĕлекен, пултаруллă специалистсем уйрăмах кирлĕ.

Вĕрентÿ
30 Çĕртме, 2022

Кадет тутă пулĕ

Патшалăх Канашĕн черетлĕ вуннăмĕш сессийĕнче Шупашкарти кадет шкулĕн вĕренекенĕсене тӳлевсĕр апатлантарассипе, тумтирпе тивĕçтерессипе çыхăннă саккун проекчĕпе вĕрентӳ министрĕ Дмитрий Захаров паллаштарчĕ.

Кун хыççăн кун
30 Çĕртме, 2022

Кашни иккĕмĕш спортсмен

Патшалăх Канашĕн черетлĕ вуннăмĕш сессийĕнче физкультурăпа спорт çинчен калакан саккун проекчĕпе паллаштарма трибуна умне спорт министрĕ Василий Петров тухрĕ. Унăн депутатсен ыйтăвĕсене те хуравлама тиврĕ.

Калăпăр, Шупашкарта нумаях пулмасть ветерансен çĕршыв шайĕнчи чемпионачĕ иртнĕ — унта хутшăннисем кунти условисемпе кăмăлсăр пулнă... Министр палăртнă тăрăх, министерство хăнасене «Спорт» хăна çуртне вырнаçма сĕннĕ, çапах вĕсем хăйсем «Раççей» отеле суйланă. Анчах унта та кăмăлсăр пулма сăлтав çук...

Спорт

Pages

Хыпарсем