Чăвашла верси
Русская версия
Кашни иккĕмĕш спортсмен
Патшалăх Канашĕн черетлĕ вуннăмĕш сессийĕнче физкультурăпа спорт çинчен калакан саккун проекчĕпе паллаштарма трибуна умне спорт министрĕ Василий Петров тухрĕ. Унăн депутатсен ыйтăвĕсене те хуравлама тиврĕ.
Калăпăр, Шупашкарта нумаях пулмасть ветерансен çĕршыв шайĕнчи чемпионачĕ иртнĕ — унта хутшăннисем кунти условисемпе кăмăлсăр пулнă... Министр палăртнă тăрăх, министерство хăнасене «Спорт» хăна çуртне вырнаçма сĕннĕ, çапах вĕсем хăйсем «Раççей» отеле суйланă. Анчах унта та кăмăлсăр пулма сăлтав çук...
Сергей Семенов депутат Çĕнĕ Шупашкарти темиçе подъездлă çуртра пурăннă май унта спортпа тусли вăл кăна пулни çинчен каланине, çавна май республикăра спортпа туслисен йышĕ 50% урлă каçни пирки иккĕленнине те Василий Владимирович татăклăн хуравларĕ: физкультурниксен йышне палăртмалли методикăна эпир хатĕрлемен, пурте унпа усă курса шутлаççĕ.
