Чӑваш Ен Пуҫлӑхӗ Олег Николаев пултаруллӑ ачасене Ҫӗнӗ ҫулпа саламларӗ
![](http://hypar.ru/sites/default/files/pictures/news/title/2020/12/kal1.jpg)
Паян Чăваш Ен Пуçлăхĕ Олег Николаев республикăри пултаруллă ачасене çывхарса килекен Çĕнĕ çулпа саламларĕ. Тĕлпулу «Эткер» центра иртрĕ.
Республикăри шкулсенче пĕлÿ пухакансем çĕршыв шайĕнчи олимпиада-конкурсра пысăк çитĕнÿ тăваççĕ. 2000 ытла чăваш ачин ятне патшалăх информаци ресурсне кĕртнĕ. Вĕсем пурте — тĕрлĕ облаçра палăрнисем. Сăмах май, маттурсем Пĕтĕм Раççей шайĕнчи «Пысăк тăхтав» конкурсра 3 грант çĕнсе илнĕ. Пĕтĕмпе — 1400000 тенкĕлĕх.
— Пултаруллă ачасене мĕн пĕчĕкрен палăртса малалла аталанмашкăн май туса памалла. Çак ĕçе йĕркелесе пырсан темиçе çултан пысăк ăсчахсене курăпăр. Вĕсене хавхалантарса пымалла, — терĕ Олег Алексеевич. Вăл вĕренÿре аван ĕлкĕрсе пыракан ачасене пылак парнесемпе хавлантарчĕ. Шупашкарти 7-мĕш вăтам шкулта вĕренекен Софья Ершова Самуил Маршак çырнă сăвва каласа савăнтарчĕ. Хĕрача — литература конкурсĕсен çĕнтерÿçи. Унсăр пуçне 4-мĕш класра вĕренекенскер экологи мероприятийĕсене хастар хутшăнать.
Сăн ÿкерчĕксем кунта...
Ольга КАЛИТОВА.
Комментари хушас