Кил-çурт, хушма хуçалăх

13 Раштав, 2013

Хĕлле урапа хатĕрле...

Урамра хĕлĕн пĕрремĕш уйăхĕ хуçаланать. Çанталăк самаях сивĕтрĕ, кун кĕскелсех пырать. Чылай вăхăт хуп-хура тумлă пулнă сад-пахча шурă юрпа хупланни пахчаçă чĕринче кăштах юлхавлăх та çуратать, тинех канма, хĕрÿ ĕçсене çуркуннене хăварма юрать темелле пек. Анчах ку туйăнать çеç, пахчаçăшăн кирек епле ĕç те çулталăкĕпех тăсăлать, пухса илнĕ тухăçа лайăх упрамалла, çитес çулхи тухăç пирки халех, пушаннă çĕр мамăк кĕрĕк айĕнче тĕлĕрнĕ чухнех шухăшламалла.

Кил-çурт, хушма хуçалăх
Потребителе
Сад-пахчара
13 Раштав, 2013

КАЛЕНДУЛА - СИВĔРЕН ХĂРАМАН ЧЕЧЕК

Календулăна ноготки тесе те калаççĕ. Вăл чи авалхи сиплĕ чечексенчен пĕри. Ун çинчен Авицена ĕçĕсенче асăннине те асăрхама пулать. Çак чечек Маргарита Наваррская Королева /1492-1549/ чи юратнă чечекĕ тесе хăйĕн пахчинче çитĕнтерме хушнă хыççăн уйрăмах палăрма тытăннă. Унпа тĕрлĕ чирсене сиплеме, ыратнине ирттерме усă кураççĕ. Уйрăмах вăл пыр ыратнине сиплеме май парать.

Календула - сивве тÿсĕмлĕ, ачаш мар, çутта юратакан, анчах типĕ тăпрана килĕштермен ÿсен-тăран.

Кил-çурт, хушма хуçалăх
Потребителе
Чечек
6 Раштав, 2013

УКÇА ÇИЛПЕ АН ВĔÇТĔР

Шампунь. Туянсанах ăна савăтран çурри таран урăх савăта пушатăр. Юлнă савăта шыв хушса тулли тăвăр. Усă курас умĕн шампуне лайăх силлесе хутăштарăр. Çакăн пек шампунь чылай перекетлĕрех. Сăмах май, сăлтавĕ кунта перекетре çеç мар, çăра мар шампунь пуç тирне ытлашши типĕтмест. Çапла майпа вăл перекетленет те.

Химипе тасатни. Килте çумалли машинăра мамăк тултарнă курткăсемпе пальто таврашне çунă чух мамăк чăмаккаланса ларать. Каярахпа ăна йĕркене кĕртме те çук.

Кил-çурт, хушма хуçалăх
Потребителе
Перекет
22 Чÿк, 2013

СĔТЕКЛĔ АПАТ - ВИТАМИН ÇĂЛ КУÇĔ

Тырăпа пĕрлех килти кайăк-кĕшĕке витаминпа пуян ытти тĕрлĕ çимĕçсене те хушса памалла. Вĕсем кайăк вар-хырăмне лайăхрах ĕçлеме, сывлăхне çирĕплетме, продуктивлăхне ÿстерме пулăшаççĕ.

Çĕр улми - тырăран хатĕрленĕ çимĕçсене ылмаштарма пултарать. Унра крахмал углевочĕсем нумай, кайăксен организмĕ вĕсене лайăх йышăнать. Ăна кайăк-кĕшĕке, тĕпрен илсен, пĕçерсе, ытти апат-çимĕçпе пĕрле хутăштарса памалла. Çамрăк чăх-чĕп рационĕнче ун виçи 5-7 процент кăна пулмалла. #ссе пынă май ун виçине 20 процента çити хушма юрать. Çитĕнсе çитнĕ кайăк-кĕшĕке вара 50 процент чухлех пама юрать.

Кил-çурт, хушма хуçалăх
Потребителе
Килти кайăк-кĕшĕке

Pages