Комментари хушас

Хăй вăхăтĕнче асатте мана садри йывăçсене сăтăрçăсенчен хÿтĕлеме вĕрентнĕччĕ. Вăл сада соляркăпа пĕрĕхтеретчĕ. 80 мл соляркăна 10 литр шывпа хутăштаратчĕ те лăпкă çанталăкра йывăçсене сапатчĕ. 1 литр солярка çулталăка çитетчĕ. Нимĕнле химикат та туянман. Халĕ хамăн дача пур та çак майпа усă курма юрать-ши тетĕп.

Николай КЛЕМЕНТЬЕВ. Çĕрпÿ хули.

Специалист ăнлантарнă тăрăх - соляркăна кунашкал виçепе хутăштарни тухăçлă меслетсенчен пĕри. Сăтăр тăвакан хурт-кăпшанкă çăмартине таса вырăна хума тăрăшать. Солярка шăрши вĕсене хăратать. Анчах вăл часах сирĕлсе пĕтет, çавăнпа çăмарта хунă вăхăтра шĕвекпе пĕрĕхтерсен питех те аван. Ытти чухне усси сахал.