Комментари хушас

Сахăр диабечĕ чухне апата питĕ уяса çимелле. Юнри сахăр шайне йĕркелеме уйрăмах 7 тĕрлĕ çимĕç пулăшать.

• Кунсерен пĕрер турилкке шывпа пĕçернĕ сĕлĕ пăтти çимелле. Вăл холестерин шайне чакарать.
• Топинамбур усăллă. Ăна салата чĕрĕлле хушса е пахча çимĕçпе пĕрле пăшăхласа çимелле.
• Пахча çимĕçпе пĕрле пăшăхланă е духовкăра пĕçернĕ треска пулă аван.
• Кун тăршшĕнче 250 мл шăлан (шиповник) чейĕ ĕçни усăллă: каçлăха термоса 1 стакан вĕри шыв тата 1 кашăк шăлан çырли ярса хумалла.
• Чей е пахча çимĕç салачĕ çине 5-10 г авăртнă корица хушмалла.
• Купăстана пăшăхласа е чĕрĕлле çини те аван.
• Кунсерен 1-3 стакан симĕс чей ĕçмелле.
• Апата кунне 5-6 хут, сахалшар çеç çимелле.