Комментари хушас

Ирсерен вăраннă хыççăн ывăнчăклăх ниепле иртмест, пуç ыратать, ĕнсе канăçсăрлантарать, юлашки вăхăтра ыйхă канлĕ мар, юн пусăмĕ сикет пулсан сăлтавĕ минтерте пулма пултарать. Мĕнлине суйламалла-ха? Çак сĕнÿсене шута илни кирлĕ пулĕ.

Ортопеди минтерне тата хытă минтере хускану аппарачĕн чирĕсемпе аптракансен кăна туянмалла.

Сывлăх енĕпе кăлтăк çук çынсем валли вăтам хытă минтер е ĕнсе айĕ путăклă валик меллĕ.

Айăк çинче выртнă чухне мăйпа хулпуççи хушшинчи кĕтес тÿрĕ пулмалла. Минтер çÿллĕшĕ хулпуççи сарлакăшĕпе танлашмалла. 9-14 сантиметр пулни виçеллĕ. Сарлака хулпуççиллисен — 14-17 сантиметр.

Формине çухатсан, лайăх мар шăршă кĕрсен, пуç лĕкĕленме пуçласан, çывăрса тăнă хыççăн пуç е мăй ыратсан минтере çĕннипе улăштармалла.

Çавăн пекех минтер ăшне мĕн тултарни те пĕлтерĕшлĕ. Йĕркипе палăртса тухар-ха.

Тĕве /сурăх/ çăмĕ

Лайăх енĕсем:

• сывлăш кĕме пултарать;
• нÿрĕке парăнмасть;
• нумая пырать;
• тусан пухмасть.

Япăх енĕсем:

• аллерги витĕмĕллĕ;
• хими мелĕпе тасатмалла.

Акăш /хур/ мамăкĕ

Лайăх енĕсем:

• кĕлетке формине йышăнать;
• кĕпе çумалли машинăна яма юрать;
• формине хăвăрт тавăрать.

Япăх енĕсем:

• аллергие хĕтĕртет;
• чылай вăхăт типет.

Бамбук

Лайăх енĕсем:

• аллергие пуçармасть;
• бактерисене, кăмпана хирĕçле витĕмлĕ;
• çăмăллăнах çăвăнать.

Япăх енĕсем:

• нÿрĕлле таткаланать.

Хуратул хуппи

Лайăх енĕсем:

• аллергие пуçармасть;
• мăй, пуç формине йышăнать.

Япăх енĕсем:

• хытă;
• шавлă;
• нумая пымасть.

Синтетика

/синтепон, халофайбер, ытти/

Лайăх енĕсем:

• аллергие пуçармасть;
• çывăрнă чухне пуçа тĕрĕс хума май парать;
• тусан пухмасть.

Япăх енĕсем:

• нÿрĕке япăх туртса илет;
• пур тĕрлине те çума юрамасть.

“Сиплисем”

• Кедр турпасĕнчен — сывлав çулĕсем тата чĕрепе юн тымарĕсем чирлĕ çынсем валли.
• Кедр йĕкелĕн е мăйăр хуппинчен — юн пусăмне йĕркере тытма.
• Курăксенчен — пуç ыратсан, ывăнчăклăхран, депрессирен, ыйхă вĕçнинчен пулăшать.