Комментари хушас

27 Юпа, 2015

Хĕвелпе пĕрле вăраннă хĕвел ачисем

Çапла чĕнеççĕ вĕсене, ачалăхне ылханлă вăрçă туртса илнĕ аслă ăру çыннисене. Шкула çÿреме пуçланипе пĕрлех çитĕннисен пурнăçне кÿлĕнме тивнĕ тĕрекленсе çитейменскерсен: фронта кайнă ашшĕ-пиччĕшĕ вырăнне йышăннă, хĕвелпе пĕрле вăранса пĕрлешÿллĕ хуçалăх уйне васканă, вĕçĕ-хĕррисĕр туйăнакан ана тăрăх суха лаши хыççăн каллĕ-маллĕ утнă. Тырпул çитĕнтернĕ, ăна пухса кĕртмесĕр те вĕренме май килмен - çак тапхăр раштав уйăхĕчченех, çĕмеле хывнă кĕлтесене йĕтем çине турттарса тырра тĕшĕлесе кĕлете хывичченех тăсăлни те пулнă. Анчах пĕри те нăйкăшман: фронтра çапăçакансене тата йывăртараххине чунпа туйнă, вĕсене пулăшмашкăн, Аслă Çĕнтерĕве çывхартмашкăн ватти-вĕтти кар тăнă.

Элĕк районĕнчи Мартынкасси ялĕнче пурăнакан Вениамин Архипов та - çав ăру çынни, вăрçă ачи эппин...

1935 çулхи çурла уйăхĕнче чухăн хресчен çемйинче çуралнă вăл. «Атте çиччĕрех тăлăха юлнă, анне тăваттăра ашшĕне çухатнă. Çемье çавăрнă чухне пĕри - 21, тепри 19 çулта пулнă. Самана йывăрлăхне пăхмасăр тăватă ывăлне ĕçе вĕрентнĕ, халăха юрăхлă çитĕнтерме ĕмĕтленнĕ, - тет иртнине аса илсе Вениамин Архипович. - Анне кунĕпе тырă вырнă, каçхине мана çуратнă, ирхине пепкине пусмапа чĕркенĕ те каллех уя васканă». Малалла вулас...

Image CAPTCHA
Введите символы, которые показаны на картинке.