Чăваш сăмахĕ тĕнчипех сарăлнă
28 Mar, 2014 | Культура

Турцири Эскишехир хулинче Тĕрĕк журналисчĕсен пухăвĕ иртрĕ. Унта пирĕн республикăран та калем ăстисем хутшăнчĕç. “Чăваш хĕрарăмĕ хаçат” редакторĕ Маргарита Ильина тата “Сувар” телеканал ертÿçи Олег Цыпленков йăхташăмăр-ĕçтешĕмĕрсене Чăваш Енри массăллă информаци хатĕрсем çинчен каласа кăтартрĕç.

Маргарита Ильина пирĕн республикăра сăмах чăнласах та ирĕклине, хаçат кăларас енĕпе нимĕнле чăрмав та çуккине палăртрĕ. Ахальтен мар-тăр Чăваш Енре 175 массăллă информаци хатĕрне шута илнĕ /2014 çулхи кăрлачăн 27-мĕш тĕлне/.

Чăваш юрлама юратакан халăх пулнине тĕнче пĕлет. Пуху ертÿçисем ыйтнипе Маргарита Ильина хăй çырнă “Телей шыраса” юрра юрланине тĕрĕксем тăвăллăн алă çупса йышăнчĕç.

Тĕплĕнрех “Чăваш хĕрарăмĕн” пушăн 29-мĕшĕнче тухакан номерĕнче, “Осман çĕрĕнче” материалта вуласа пĕлме пулать.

Рита АРТИ