Юрий СТЕПАНОВ

19 Çурла, 2014

Çыхăну уçă, паха

Ĕлĕкхи мар халĕ: паян кирек мĕнле хулапа кăна мар, аякри çĕр-шыври çывăх çыннăмăрсемпе те самантрах çыхăнса калаçма пулать. Пысăк технологисен тапхăрĕнче вăл татах лайăхланса пырĕ. Çакна «Нэт Бай Нэт Холдинг» /NETDYMET/ фиксациленĕ çыхăнăвăн операторĕ Шупашкарта çĕнĕ контакт центрĕ уçни те аван çирĕплетет. Ăна пурнăçа кĕртме 40 млн тенкĕлĕх инвестици хывнă. Асăннă центр - «Мегафон» компанийĕ. Федерацин ултă регионĕнчи уйрăм çынсемпе бизнес-пĕрлĕхе телефон тата Интернет çыхăнăвĕпе, тÿлевлĕ телекуравпа тивĕçтерет.

Хыпар
Хула
Пулăм
15 Çурла, 2014

«Саккуна пĕрле хатĕрлетпĕр»

Улшăнуллă тĕнчен улшăнми чăнлăхĕ: вăхăт чуппи - чараксăр. Хăйĕн таппине пăхăнса шав малаллах васкать. Киввине çĕнни улăштарать. Çак ылмашăнура япăххи, кивви, тивĕçтерменни вырăнне çĕнни, пĕлтерĕшли, усăлли йышăнать.

13 Çурла, 2014

Пĕр тĕллевпе пĕр пулар

Республикăри космонавтика ветеранĕсен пĕрлĕхĕ хăй вăхăтĕнче мухтавлă ентешĕмĕр Андриян Григорьевич Николаев космонавт пĕрремĕш хут тĕнче уçлăхне тухнă куна - çурла уйăхĕн 11-мĕшне - Чăваш Енĕн космос мухтавĕн кунĕ евĕр палăртма сĕнÿпе тухрĕ. Çук, вăл календарьти хĕрлĕ, уяв ирттерсе тăкакланмалли кун мар, пачах та урăхла - çитĕнекен ăрăва патриот воспитанийĕ памалли, Чăваш çĕрĕнче çуралса ÿснĕ паттăрсен пархатарлă ĕçĕпе мухтанмалли-мăнаçланмалли сумлă та сăваплă уяв. Наци уявĕсен шутне кĕмелли уявччĕ. «Уявччĕ» тесе ахальтен çырмарăм. Мĕншĕн тесен унăн шăпи паянхи кунчченех уçăмлă мар-ха.

9 Çурла, 2014

Хамăрăн - пахарах та, сиплĕрех те

Патшалăх Канашĕн çурла уйăхĕн 5-мĕшĕнчи анлă ларăвĕнче Раççей Федерацийĕн Президенчĕ Владимир Путин Раççее хирĕç санкцисем йышăннă патшалăхсенчен ял хуçалăх продукцийĕсем, апат-çимĕç тата ытти хăш-пĕр тавар кÿрсе килессине çулталăклăха чарса лартасси пирки пĕлтерчĕ, правительствăна çак ушкăна кĕрекен продукцисен переченьне хатĕрлеме сĕнчĕ, РФ субъекчĕсенчи ĕç тăвакан влаç тытăмĕсемпе пĕрле тавар рынокĕн мониторингне хатĕрлеме тата унăн тăрăмне тĕпчесе пĕлме хушрĕ. Çак пулăма Чăваш Республикинчи яваплă çынсем мĕнле йышăнаççĕ, мĕнле хак параççĕ?

Хыпар
Экономика
Ыйтăм
8 Çурла, 2014

Сумлă уявсен шутне кĕтĕрех

Юрий Гагаринăн тĕнчене тĕлĕнтернĕ вĕçевĕ хыççăн, акă, 52 çул ытла Космонавтика кунне уявлатпăр. Кăшт каярах унăн ячĕ улшăнчĕ пулин те пĕлтерĕшĕ çаплах юлчĕ. Пирĕн республикăра та вăл сумлисен шутĕнчех. Ара, мăнаçланма сăлтавĕ те пур: кÿршĕсемпе танлаштарсан чăваш çĕрĕ виçĕ паттăра тĕнче уçлăхне çĕкленме хăват панă.

Pages