Татьяна НАУМОВА.

18 Авăн, 2021

ЧР ачасен прависене хӳтӗлес енӗпе ӗçлекен уполномоченнӑй Алевтина Федорова суйлава хутшӑнчӗ

Чӑваш Республикинчи ачасен прависене хӳтӗлес енӗпе ӗçлекен уполномоченнӑй Алевтина Федорова паян суйлава хутшӑнчӗ.

- Патшалӑх ӗçне шӑпах çапла майпа хутшӑнма ирӗк парать пире Конституци. Суйлава хутшӑнасси -  кашни çыннӑн гражданла тивӗçӗ, - терӗ Алевтина Николаевна. -Çемьесене тӗревлеме, ачалӑха ырӑ та çутӑ тӗссемпе пуянлатма тӗрлӗ ӗç туса ирттереççӗ паян. Ачасен прависене хӳтӗлес енӗпе ӗçлекен уполномоченнӑйшӑн çакӑ уйрӑмах пӗлтерӗшлӗ.

18 Çу, 2021

Тӳлев — çĕнĕ йĕркепе

3 çултан пуçласа 7 çулчченхи ачасемшĕн тивĕçекен социаллă тӳлеве палăртас йĕркене ака уйăхĕн 1-мĕшĕнчен улшăнусем кĕчĕç. Халĕ ăна пурăнма кирлĕ чи пĕчĕк виçен çурри чухлĕ кăна мар, çемье тупăшне шута илсе 50, 75 тата 100 процент таран палăртаççĕ. Улшăнусен тĕлĕшпе çынсен тĕрлĕ ыйту çуралать. Вĕсене ЧР ĕçлевпе социаллă хӳтлĕх министрĕ Алена Елизарова уçăмлатрĕ.

14 Çу, 2021

Юбилей каçĕ иртрĕ

Çу уйăхĕн 13-мĕшĕнче Чăваш патшалăх академи драма театрĕн сцени çинче ЧР тава тивĕçлĕ артисткин Александра Зайцевăн юбилей каçĕ иртрĕ.

Александра Николаевна 1961 çулхи çу уйăхĕн 1-мĕшĕнче Шăмăршă районне кĕрекен Палтиел ялĕнче кун çути курнă. 1983 çулта М.Щепкин ячĕллĕ театр училищинчен вĕренсе тухнă. Шăпах çав çултанпа К.Иванов ячĕллĕ чăваш патшалăх академи драма театрĕнче вăй хурать те. Çак тапхăрта тĕрлĕ енлĕ нумай сăнар калăпланă вăл.

Pages