Коронавируспа çыхăннă лару-тăру республикăра паян йĕркеллĕ. Çапла палăртрĕç авăн уйăхĕн 18-мĕшĕнче ЧР Правительство çуртĕнче иртнĕ коронавирус инфекцийĕ сарăлассине сирес енĕпе йĕркеленĕ оперштабăн черетлĕ ларăвĕнче. Ăна ЧР Пуçлăхĕн тивĕçĕсене вăхăтлăх пурнăçлакан Олег Николаев ертсе пычĕ.
Паян Чăваш патшалăх оперăпа балет театрĕнче Шупашкар хулин 550 çулне, Чăваш автономи облаçне йĕркеленĕренпе 100 çул çитнине уявлас енĕпе пуçарнă йĕркелÿ комитечĕн пĕтĕмлетÿллĕ ларăвĕ иртрĕ. Унăн ĕçне Чăваш Ене ĕçлĕ çÿревпе çитнĕ РФ культура министрĕн çумĕ Ольга Ярилова, ЧР Пуçлăхĕн тивĕçĕсене вăхăтлăх пурнăçлакан Олег Николаев, республикăри культура учрежденийĕсен ертÿçисем хутшăнчĕç.
Йĕпреç районĕнчи Пучинке ялне кĕçех çĕршывĕпех пĕлме пуçлĕç. Кунти сĕт-çу заводĕнче кĕркунне тĕрлĕ йышши хытă сырсем кăларма тытăнĕç. Вĕсем хăвăрт пулса çитекен йышшисем. Чăваш Енре кун пек цех халиччен пулман. Хальлĕхе пирĕн патра çемçе сырсем кăна кăлараççĕ.
«Çĕр чăмăрĕ çинчен хуртсем çĕтсен тепĕр тăватă çултан этемлĕх пĕтет», - теççĕ. Çакна асрах тытать ЧР ял хуçалăхĕн тава тивĕçлĕ ĕçченĕ, республикăри паллă хурт-хăмăрçă Николай Пирожков.
Паян ЧР Правительство çуртĕнче оперштабăн черетлĕ ларăвĕ пулчĕ. Унăн ĕçне ЧР Пуçлăхĕн тивĕçĕсене вăхăтлăх пурнăçлакан Олег Николаев йĕркелесе ертсе пычĕ.
Чăвашла верси
Русская версия
