Чăваш Енре Театр çулталăкĕ уçăлчĕ
«Театр ăс панă пек нимĕнле хулăн кĕнеке те вĕрентме пултараймасть», — тенĕ Ф.Вольтер. Паян та театр хăйĕн пĕлтерĕшне çухатман. Халăх спектакльсене юратса çÿрет. Раççей Президенчĕн Хушăвĕпе килĕшÿллĕн, 2019 çул Раççейре Театр çулталăкĕ пулĕ. Паян Чăваш патшалăх оперăпа балет театрĕнче Театр çулталăкне савăнăçлă лару-тăрура уçрĕç.