Оксана ЯСТРЕБОВА

20 Çурла, 2015

Утă вăрланăшăн

Августăн 13-мĕшĕнче Игорь Муллин тĕлĕшпе те приговор янăранă. Тутарстанри Кайбицы районĕнче пурăнакан 44-ри арçынна ют пурлăха вăрланăшăн айăпланă. Вăл икĕ республика чиккинчи уйра утă вăрласа «Чутей» ЯХПКна 5600 тенкĕлĕх сăтăр кÿнĕ.

Çуллахи пĕр кун И.Муллин машинипе хире икĕ хутчен пынă: малтанах - 4, кайран 3 рулон тиесе тухнă. Унăн автомашинине хуçалăх ĕçченĕсем асăрханă, вĕсемех полицие чĕннĕ.

20 Çурла, 2015

Автор правине пăснă

Тăвай районĕн 2-мĕш суд участокĕн миравай судйи 25-ри Александр Баринов тĕлĕшпе пуçарнă уголовлă ĕçе пăхса тухнă. Ăна автор правине пăснăшăн айăплаççĕ. Пĕр организацире система администраторĕнче тăрăшнă май вăл Интернетран «1С» программăн контрафакт экземплярĕсене уçласа илнĕ те усă курмашкăн ĕçтешĕсене лартса панă. Çапла майпа программа хуçине 342 пин тенкĕлĕх сăтăр кÿнĕ.

22 Утă, 2015

Саккунпа туслă пурăнма шантарнă

Миравай судья Мускав хулинче пурăнакан 34 çулти Андрей Потапов тĕлĕшпе пуçарнă уголовлă ĕçе пăхса тухнă. Суд сакки çине вăл çынна вĕлерессипе хăратнăшăн ларнă.

Çут тĕнчере пĕртăвансенчен çывăхрах çынсем те çук темелле. Анчах пурнăçра урăхларах та килсе тухать çав. Тăван тăваншăн тăшманран та усалрах пулать иккен тепĕр чухне. Пĕр-пĕрне вĕлересси те ним те мар...

7 Ака, 2015

Икĕ хĕрарăмăн... пĕр шухăш

Уголовлă ĕçе районти пĕр ялта пурăнакансем район прокуратуринчен пулăшу ыйтнă хыççăн тĕрĕслев ирттернĕ май пуçартăмăр. Ревизи комиссийĕ 44 çулти Марина Емельянова тата 58-ти Алевтина Лебедева халăхран шыв башнисене тытса тăма пухнă 20 пин тата 25,4 пине яхăн тенке вăрланине палăртнă.

Pages